Open Day vacinazion varuscli - ai 20 di Jugn: une ocasion par proteziti!
joibe 19 di Jugn dal 2025
Te sede dal Dipartiment di Prevenzion di Udin, des 14.00 aes 17.30
Il Dipartiment di Prevenzion de ASUFC al organize vinars ai 20 di Jugn l’Open Day dedicât ae vacinazion cuintri dal varuscli.
Al è un event viert a dute la popolazion fin ai 50 agns pensât par informâ, sensibilizâ e facilitâ l’acès ae vacinazion cuintri dal varuscli.
La vacinazion e je sore nuie e racomandade
- a ducj i fruts: par cualsisedi dubi, fevele cul pediatre di fiducie e siguriti che to fi al sedi protet
- ai adults che no son stâts vacinâts o che no àn vût il varuscli in passât. Se no tu sês sigûr di jessi protet, domandi un consei al to miedi di fiducie.
La vacinazion e funzione ancje cuintri di rosolie, parotite e vuarvuele mate.
Cuant e dulà che si fâs
Vinars ai 20 di Jugn des 14.00 aes 17.30 li dal Servizi Vacinazions dal Dipartiment di Prevenzion di Udin, in vie Chiusaforte 2.
Clame la segretarie par informazions: 0432 553225 dal lunis al vinars des 10:00 aes 13:00.
Parcè fâ la vacine
- Tu ti protezis: tu ridusis il pericul di cjapâ il varuscli e lis sôs complicazions.
- Tu protezis chei altris: contribuint ae imunitât di grup, tu judis a protezisi ancje cui che nol pues vacinâsi.
- E je sigure e e funzione: la vacine cuintri dal varuscli e je stade une vore testade e e je aprovade, cun efiets colaterâi pardabon rârs e par solit lizêrs.
Cemût preparâsi
Puartiti daûr eventuâi documents sanitaris o certificâts di vacinazion: i professioniscj a valutaran che no sedin cundizions li che la vacinazion e je sconseade o pûr no covente.
Visite il sît uficiâl dal Ministeri de Salût, dulà che tu puedis cjatâ dutis lis informazions su lis vacinazions cuintri dal varuscli