Pront Socors Odontoiatric
Il pront Socors odontoiatric al è un ambulatori odontostomatologjic a ingrès diret (o ben cence impegnative) destinât aes urgjencis odontostomatologjichis.
Il tratament des urgjencis odontoiatrichis al è garantît a ducj i citadins (ancje ai citadins forescj che a son in Italie in maniere temporanie cun tesserin sanitari STP), dome pes urgjencis infetivis e/o par dolôrs fuarts che no si puedi rimandâ il lôr tratament, sedi midiant de medicazion dal dint che cuntune terapie farmacologjiche.
Ce che si à di savê
Ducj i citadins (ancje i citadins forescj che a son in Italie in maniere temporanie cun tesserin sanitari STP) che a àn une urgjence odontoiatriche.
Un document di ricognossiment o la tessare sanitarie. Si consee di puartâsi daûr la eventuâl documentazion cliniche.
Ce fâ
Al baste presentâsi tal Ambulatori cuntun document di ricognossiment o cu la tessare sanitarie tai oraris di viertidure. La prestazion e je a acès diret e libar, no covente la prenotazion.
La ativitât cliniche e je garantide dai Dirigjents Odontoiatrics e dai Dirigjents Medics de SOC di Chirurgjie Maxilofaçâl, abilitâts al esercizi de Odontoiatrie.
Il servizi al previôt che il citadin al partecipi ae spese sanitarie, daûr des regulis gjenerâls dal ticket pe visite ondontostomatologjiche.
Se l’acès al è apropriât, altris prestazions diagnostichis o terapeutichis in plui a van daûr des regulis gjenerâls di partecipazion ae spese sanitarie pes prestazions di pront socors; invezit, se l’acès al è incongrui, si à di paiâ la tarife interie, daûr de valutazion mediche.
Si pues paiâ in ducj i ponts casse.