Distrets sanitaris

Il Distret al è une struture de Aziende pai servizis sanitaris teritoriâi che al sigure dutis lis ativitâts assistenziâls destinadis ae persone o ae coletivitât, gjavant i intervents ospedalîrs.

In particolâr, il Distret al garantìs chestis ativitâts:

  • valutazion e interpretazion de domande/bisugne dai citadins, ancje cun formis di partecipazion e di citadinance ative;
  • programazion, implementazion e verifiche des ativitâts teritoriâls sanitariis e sociosanitariis;
  • compartecipazion cui Ents locâi, cu lis Aziendis pai servizis ae persone e cun chei altris sogjets publics e privâts cjapâts dentri intes politichis di benstâ sociâl;
  • continuitât assistenziâl e cjapade in caric dal citadin midiant produzion direte o cul acuist di servizis e prestazions di altris sogjets publics e privâts;
  • acès ai servizis e aes prestazions sanitariis e sociâls cun integrazion sociosanitarie elevade daûr di criteris di ecuitât e di justece, ancje midiant di mediatôrs di comunitât par forescj;
  • gjestion coordenade de assistence di base: miedis di medisine gjenerâl e pediatris di libare sielte, assistence infermieristiche e riabilitative domiciliâr.

Distret di Cividât

La aree di competence dal Distret di Cividât e cjape dentri i comuns di:

Buri, Cividât, Cuar di Rosacis, Drencje, Grimac, Manzan, Muimans, Premariâs, Prepot, Pulfar, Remanzâs, San Zuan dal Nadison, San Lenart, San Pieri dai Sclavons, Savogne, Stregne, Torean.

Distret di Tarcint

La aree di competence dal Distret di Tarcint e cjape dentri i comuns di:

Atimis, Cjassà, Faedis, Lusevare, Magnan, Nimis, Paulêt, Reane dal Roiâl, Taipane, Tarcint.

Distret di Udin

La aree di competence dal Distret di Udin e cjape dentri i comuns di:

Cjampfuarmit, Martignà, Pagnà, Pasian di Prât, Pavie, Puçui, Pradaman, Tavagnà.

Distret di Tumieç

La aree di competence dal Distret di Tumieç e cjape dentri i comuns di:

Damâr, Dimpeç, Darte, Cjavaç, Çurçuvint, Comelians, Denemonç, For Davôtri, For Disore, For Disot, Lauc, Davâr, Paluce, Paulâr, Prât di Cjargne, Preon, Ravasclêt, Raviei, Rigulât, Sapade, Sauris, Soclêf, Sudri, Tumieç, Trep Liussûl, Verzegnis, Vile di Cjargne, Zui.

Distret di Glemone

La aree di competence dal Distret di Glemone e cjape dentri i comuns di:

Dartigne, Bordan, Scluse, Dogne, Glemone, Malborghet e Valbrune, Mueç, Montenârs, Osôf, Pontêbe, Resie, Resiute, Tarvis, Trasaghis, Vençon.

Distret di San Denêl

La aree di competence dal Distret di San Denêl e cjape dentri i comuns di:

Buie, Colorêt di Montalban, Cosean, Dignan, Feagne, Flaiban, Forgjarie, Maian, Murùs, Ruvigne, Rivis Darcjan, San Denêl, San Vît di Feagne, Trep Grant.

Distret di Codroip

La aree di competence dal Distret di Codroip e cjape dentri i comuns di:

Basilian, Bertiûl, Cjamin dal Tiliment, Cjasteons di Strade, Codroip, Listize, Merêt di Tombe, Mortean, Sedean, Talmassons, Vildivar.

Distret di Palme

La aree di competence dal Distret di Palme e cjape dentri i comuns di:

Dael, Aquilee, Bagnarie, Bicinins, Cjamplunc Tapoian, Çarvignan, Cjopris e Viscon, Flumisel La Vile, Gonârs, Palme, Rude, Sante Marie la Lungje, San Vît de Tor, Tierç, Tor di Zuin, Trivignan, Visc.

Distret di Tisane

La aree di competence dal Distret di Tisane e cjape dentri i comuns di:

Cjarlins, Tisane, Lignan, Maran, Muçane, Palaçûl, Pucinie, Porpêt, Prissinins, Rivignan Teôr, Roncjis, San Zorç di Noiâr.