Teleassistence e telesocors

Cu la Leç Regjonâl dai 4 di Novembar dal 2019 n. 19 (Misuris finanziariis intersetoriâls), art. 8, come 8, a son stâts eliminâts i recuisîts dal redit e il servizi al è deventât gratuit par ducj i utents che a jentrin tai criteris indicâts de L.R. 26/1996, specificâts intal D.Z.R. 161 dai 7 di Fevrâr dal 2020 tai ponts 3, 5, 6, 7, e tignût cont dal numar di ativazions disponibilis e determinadis de direzion regjonâl competente.

Al è un aiût in plui par cui che al vûl vivi sigûr e protet in cjase sô, savint di podê vê acès a un servizi disponibil e pront in cualsisei situazion di dibisugne o di emergjence, 24 oris su 24.

La Teleassistence e da la libertât di lâ indenant a fâ lis robis di simpri, di jessi indipendents e sigûrs, mantignint dut câs lis abitudins di ogni dì:

  • par sintîsi sigûrs e protets ancje cuant che no si pues vê la presince costante di familiârs o di personis in stât di furnî assistence;
  • par dâ ai propris cjârs, anzians o in pericul di isolament, une poie concrete cuant che a son dibessôi, e par favorî la lôr autonomie e la vite indipendente.

 

Ce che si à di savê

Personis anzianis o fragjilis che a vuelin vivi siguris e protetis in cjase lôr, savint di podê fâ cont simpri su cualchidun disponibil e pront in dutis lis situazions di dibisugne o di emergjence, 24 oris su 24:

  • anzians che a vivin bessôi o che a restin bessôi a cjase par tantis oris

  • anzians in liste di spiete pal ricovar in struturis residenziâls

  • personis che no son dal dut autosuficientis

  • personis disabilis

  • personis a pene dimetudis di struturis ospedalieris, che a àn bisugne di assistence postospedaliere

  • personis in cundizions di disasi o di isolament sociâl.

La persone assistude e à di vê la linie telefoniche.

Ce fâ

Il servizi di Teleassistence domiciliâr regjonâl al è furnît in forme gratuite o semigratuite, daûr des cundizions economichis di cui che al fâs domande (o dal nucli familiâr che al fâs domande).

La domande di Teleassistence e à di jessi presentade al Distret Sanitari di apartignince o al Servizi Sociâl dal Comun di residence.

I modui pe domande a puedin jessi ritirâts tai Distrets Sanitaris o li dai Servizis Sociâi Comunâi, o ancje discjamâts dai sîts de Regjon, des Aziendis Sanitariis o dal gjestôr dal servizi Tesantelevita.

Si puedin vê dutis lis informazions su la Teleassistence e su lis modalitâts par otignîle clamant il numar vert gratuit 800 846 079.

A ogni persone che e je assistude a domicili i ven furnît un dispositîf telefonic cuntun piçul radiocomant, di tignî cun se in câs di emergjencis. I operadôrs des centrâls de Teleassistence a clamin lis personis une o plui voltis par setemane: a ognidun i dedichin timp e atenzion, favorint il dialic e la socializazion.

In cheste maniere, tra operadôr e utent si stabilìs un rapuart amichevul che al facilite la prevenzion des necessitâts e che al da un sens di sigurece ae persone assistude, miorant la cualitât de vite. Tal câs di une emergjence (par esempli un mâl improvîs, un piçul incident domestic), al baste fracâ il boton sul telecomant e l'alarme al rive ae centrâl: cheste e comuniche subit in vive vôs cul assistût e e ative il socors, o il jutori plui adat (par esempli, visant i familiârs, i vicins, il miedi, il 118 o altris aiûts), 24 oris su 24, ogni dì dal an.

Intai cjâf lûcs di provincie e tai comuns dongje, massime pes personis che no àn une rêt sociâl di riferiment, al è disponibil ancje un servizi di custodie des clâfs, cun pront intervent in câs di emergjence.
Midiant de integrazion di servizis sociâi e sanitaris istituzionâi e dal volontariât, l'utent al è ancje inserît intune rêt di poie che i operadôrs de Teleassistence a puedin ativâ daûr des esigjencis rilevadis.

Il servizi al è gjestît de associazion di impresis che a fasin riferiment ae TESAN-TELEVITA SRL, cun sede a:
- Udin - Vie Daniele Manin 16 - tel. +39 0432 272727
- Triest - Place San Giovanni 6 - tel. +39 040 7786111

Il servizi di Teleassistence domiciliâr regjonâl al è furnît in forme gratuite o semigratuite, daûr des cundizions economichis di cui che al fâs domande (o dal nucli familiâr che al fâs domande).

Dulà e cuant