Tratament dai dâts personâi – informazions

Tratament dai dâts personâi

Ai 25 di Mai dal 2016 al è jentrât in vore il Regolament European 2016/679 su la protezion des personis fisichis in cont dal tratament dai dâts personâi, e ancje su la libare circolazion di chescj dâts, che al abroghe la diretive 95/46/CE.

Il Regolament European, deventât aplicabil ai 25 di Mai dal 2018, al ribalte la impostazion precedente sul tratament dai dâts personâi, introdusint il Principi de Accountability (definît “principi di responsabilizazion”): in gracie di chest, il Titulâr dal tratament - par decidi in maniere autonome lis modalitâts, lis garanziis e i limits dal tratament - al à di jessi in stât no dome di garantî ma ancje di dimostrâ di vê adotât, tal câs concret, misuris tecnichis e organizativis adatis par garantî une tutele eficace dai dirits individuâi dal interessât.

Tratament dai dâts personâi in ambit sanitari

Par ce che al tocje il tratament dai dâts personâi in ambit sanitari, si rileve che, a diference dal passât, il professionist sanitari, leât al segret professionâl, nol à plui di otignî il consens dal pazient pai trataments che a coventin pe prestazion sanitarie domandade dal interessât (o ben, “finalitât di cure: medisine preventive, diagnosi, assistence o terapie sanitarie o sociâl, gjestion dai sistemis e dai servizis sanitaris o sociâi, includude la telemedisine e la medisine di iniziative”), sedi che al operi come libar professionist (intun studi medic), che intune struture sanitarie publiche o privade.

Il consens dal interessât si domande invezit ancjemò par:

-        trataments fats cul Fassicul Sanitari Eletronic (D.L. 179/2012);

-        trataments fats cul Dossier Sanitari (Liniis Vuide dal Garant dai 4 di Jugn dal 2015);

-        refertazion on line (D.P.C.M. dai 8 di Avost dal 2013);

-        trataments leât al ûs di App medichis;

-        trataments fats des farmaciis preordenâts ae fidelizazion de clientele;

-        trataments fats di professioniscj sanitaris par finalitâts comerciâls o eletorâls;

-        trataments fats in cjamp sanitari di personis juridichis privadis par finalitâts promozionâls o comerciâls.

Titulâr dal tratament dai dâts

Il Titulâr dal tratament dai dâts personâi e je la Aziende Sanitarie Universitarie dal Friûl Centrâl, inte persone dal Diretôr Gjenerâl, cun sede legâl in vie Puçui n. 330, 33100 Udin; centralin 0432.5521, pec asufc@certsanita.fvg.it

Inte Aziende Sanitarie Universitarie dal Friûl Centrâl al è istituît ancje l'Ufici Privacy, che si pues contatâ ae direzion privacy@asufc.sanita.fvg.it

Responsabil de protezion dai dâts

La Aziende Sanitarie Universitarie dal Friûl Centrâl, in conformitât cul articul 37 dal Regolament European 2016/679, e à designât il so Responsabil de Protezion dai Dâts (DPO – Data Protection Officer).

Par cualsisedi dubi in materie di tratament dai dâts, pe segnalazion di problematichis e/o par domandis specifichis, i interessâts a puedin indreçâsi, in plui che al Titulâr e al Ufici Privacy, ancje al Responsabil de Protezion dai Dâts.

I dâts di contat a son chescj: rpd@asufc.sanita.fvg.it

Verifiche dal green pass: informazions sul tratament dai dâts personâi

COVID 19 – Informazions sul tratament dai dâts intal ambit de emergjence epidemiologjiche Covid 19

Erogazion e gjestion des prestazions sanitariis. Informazions sul tratament dai dâts personâi

Rapuart di lavôr. Informazions sul tratament dai dâts personâi

Servizi referts on line – Informazions sul tratament dai dâts personâi

Consens e informative pal tratament dai dâts dal Fassicul Sanitari Eletronic

Dai 20/12/2017 al è atîf pe regjon F-VJ il Fassicul Sanitari Eletronic (FSE); la ativazion dal FSE e je facoltative e gratuite e si pues fâ dome cun consens specifics.

Il FSE al è indreçât ai citadins assistûts dal Friûl - Vignesie Julie che:

  1. a àn di vê tant che ultin domicili sanitari regjistrât in Anagrafe Uniche un domicili dal Friûl - Vignesie Julie (ancje tal câs che e fos valorizade e superade la date di scjadince)
  2. a àn di risultâ in vite

Par che il fassicul al sedi costituît, il citadin (o il so rapresentant legâl) al à di vê dât il consens ae costituzion midiant dal modul su cjarte intune des struturis sanitariis de Regjon.

Informazions sul tratament dai dâts personâi midiant dal Dossier Sanitari Eletronic e consens in merit

I dirits dai interessâts

In osservance dal principi di trasparence e di responsabilizazion, la ASUFC e à prontât la procedure pe gjestion dai dirits dai interessâts in materie di tratament dai dâts personâi

L'interessât, in sostance, al pues:

-          presentâ domandis di informazions e/o di sclariments sul tratament dai dâts personâi;

-          segnalâ eventuâi inadempiments e violazions in merit al tratament dai dâts personâi;

-          presentâ domandis formâls di esercizi dai dirits elencâts parsore.

Par fâ chest, l'interessât al pues inviâ un messaç di pueste eletroniche a cheste direzion: privacy@asufc.sanita.fvg.it

Pal esercizi formâl dai dirits si pues doprâ il modul specific, che si varà di inviâ, compilât, ae direzion privacy@asufc.sanita.fvg.it

Tal câs che l'interessât nol vedi une direzion di pueste eletroniche, al podarà mandâ lis domandis par pueste ordenarie a cheste direzion: Aziende Sanitarie Universitarie dal Friûl Centrâl, Vie Puçui n. 330, 33100, Udin.

Par podê recuperâ in maniere svelte eventuâls informazions mancjantis e par podê vê prime pussibil un riscuintri de istance, l'interessât al à di indicâ: il numar di telefon, la direzion di residence, e chê di pueste eletroniche ordenarie.

Si à di zontâ aes domandis une copie dal document di identitât.

Domande par platâ/tornâ a rindi visibii events clinics e/o documents sanitaris

A tutele de riservatece dal interessât, che al à palesât il so consens sul tratament dai dâts personâi cul Dossier Sanitari Eletronic e cul Fassicul Sanitari Eletronic, si previôt la pussibilitât di platâ cualchi dât o document sanitari che si pues consultâ midiant di chescj struments.

I dâts a vegnin platâts cun modalitâts tecnichis che a garantissin che i sogjets abilitâts ae consultazion dal Dossier Sanitari Eletronic o dal Fassicul Sanitari Eletronic no puedin ni visualizâ, ni vignî a savê che l'interessât al à fat chest sielte (azion definide tant che “platâ ce che al è stât platât”).

Dut câs, i documents platâts a restin a disposizion dal professionist sanitari o de struture interne dal titulâr che ju à cjapâts sù o elaborâts e, in ogni câs, a àn di jessi conservâts dal titulâr dal tratament daûr di ce che al è previodût de normative di setôr.

L'interessât al pues ancje decidi, intun secont moment, di rindi di gnûf visibii i events clinics e/o i documents sanitaris che prime al veve platât.

Si à di formulâ la domande doprant il modul in zonte e si à di inviâle, adun cuntun document di identitât valit, ae direzion di pueste eletroniche privacy@asufc.sanita.fvg.it

Procedure pe gjestion di violazions dai dâts personâi “Data Breach”