Servizi di continuitât assistenziâl (ex Vuardie Mediche)

Il servizi di continuitât assistenziâl (ex Vuardie Mediche) al è atîf tai presidis sanitaris di zone in chescj oraris:

• dal lunis al vinars, des 20.00 aes 8.00
• la sabide e i prefestîfs, tacant des 10.00
• i festîfs, par dute la zornade

Il servizi al garantìs la assistence mediche di base pes situazions che no puedin jessi rimandadis. Tra chestis a jentrin chei problemis sanitaris che no puedin spietâ che al vierzi l’ambulatori dal propri miedi o dal pediatre di libare sielte.

Ativitâts fatis dal miedi di continuitât assistenziâl (vuardie mediche)

• prescrivi medisinis indicadis par terapiis che no si puedin rimandâ
• prescrivi medisinis necessariis par puartâ indenant une terapie che, se e vignìs interote, e podarès ingriviâ lis cundizions de persone
• fâ visitis a cjase che no si puedin rimandâ
• dâ fûr certificâts di malatie tai câs propit necessaris e par no plui di trê dîs
• proponi il ricovar tal ospedâl.

Sedis dai servizis di continuitât assistenziâl de ex Aziende Sanitarie Universitarie Integrade di Udin

Distret di Cividât

• Ospedâl di Cividât  - plaçâl dal Ospedâl, 2 (pai Comuns di Cividât, Muimans, Premariâs, Prepot, Remanzâs, Torean; dai 16 di Març 2020 ancje pai Comuns di S. Pieri dai Sclavons, Pulfar, Savogne, S. Lenart, Stregne, Drencje, Grimac) 0432708227
• CAP (Centri di Assistence Primarie) di Manzan - vie Drusin, 25 (pai Comuns di Buri, Cuar di Rosacis, Manzan, San Zuan dal Nadison) 0432742400

Distret di Tarcint

• Sede dal Distret Sanitari - vie Coianiz, 2  - Tarcint (pai Comuns di Cjassà, Lusevare, Magnan, Tarcint, Tresesin e Taipane, fûr che la frazion di Prossenic) 0432784389
• CAP (Centri di Assistence Primarie di Paulêt  - vie Dante, 9 - Paulêt (pai Comuns di Atimis, Faedis, Paulêt, Reane dal Roiâl, Nimis e pe frazion di Prossenic in Comun di Taipane) 0432679593

Distret di Udin

• Sede dal Istitût di Medisine Fisiche e Riabilitazion “Gervasutta” - vie Gervasutta, 48 - Udin (pai Comuns di Cjampfuarmit, Pavie, Puçui, Pradaman, Udin) 0432553090
• CAP (Centri di Assistence Primarie) di Tavagnà -  place Libertât, 23A - Frazion Felet (pai Comuns di Martignà, Pagnà, Pasian di Prât, Tavagnà) 0432571367

Sedis dai servizis di continuitât assistenziâl de ex Aziende pe Assistence Sanitarie 2 Friûl de Basse – Friûl Orientâl (Aree Basse Furlane)

• Çarvignan - vie Triest, 75 (pai Comuns di Dael, Aquilee, Cjamplunc Tapoian, Çarvignan, Flumisel, Vile Visintine, Rude, San Vît de Tor, Tierç di Aquilee) 0431387708

• Palme - vie Molin, 21 - te sede dal Distret Est (pai Comuns di Bagnarie, Bicinins, Cjopris e Viscon, Gonârs, Palme, Sante Marie la Lungje, Trivignan, Visc) 0432921243 - 3346709480

• Tisane - Vie Sabbionera n. 45 - li dal Ospedâl di Tisane paveon “vecjo”, prin plan, stanzie 12 (pai Comuns di Tisane, Lignan, Palaçûl, Pucinie, Prissinins, Roncjis, Rivignan Teôr) 0431529200 – 3355347475

• San Zorç di Noiâr - vie Palme, 1 (pai Comuns di Cjarlins, Maran, Muçane, Porpêt, San Zorç di Noiâr, Tor di Zuin) 0431624822 - 3346936960

• Lignan - Vuardie Mediche Turistiche dome pal periodi estîf (di Jugn a Setembar) vie Tarvis, 5/B