Distret Culinâr (San Denêl): cessazion dal dot. Cervesato

La Direzion dal Distret Culinâr e informe che cui 31 di Avost dal 2026 il dot. Christian Cervesato al fermarà la sô ativitât di miedi convenzionât tal ambit teritoriâl che al cjape dentri i comuns di Buie, Colorêt di Montalban, Cosean, Dignan, Feagne, Flaiban, Forgjarie, Maian, Murùs, Ruvigne, Rivis Darcjan, San Denêl, San Vît di Feagne e Trep, che a fasin part dal Distret Culinâr di San Denêl.
 
Stant che no si pues assegnâ di ufici il gnûf miedi di assistence primarie, dal moment che la normative in materie e previôt la libertât di sielte dal citadin, si invidin i pazients dal dot. Cervesato a sielzi il lôr gnûf miedi tra chei dal ambit teritoriâl dal Distret Sociosanitari Culinâr, o ben tai Ambits dongje che a vedin puescj a disposizion. 

Sielte dal gnûf miedi

La sielte dal gnûf miedi di medisine gjenerâl e podarà jessi fate cun chestis modalitâts:

• jentrant sul Portâl SESAMO midiant dal Sisteme Public di Identitât Digjitâl (SPID), de Cjarte di Identitât eletroniche (CIE) o de Cjarte regjonâl/nazionâl dai servizis (CRS o CNS)
• inviant il modul in zonte, jemplât e firmât, a cheste direzion di pueste eletroniche: cambiomedicodistrettosandaniele@asufc.sanita.fvg.itcu la preference pal miedi, sielt te liste che si pues consultâ sul sît aziendâl e zontant la tessare sanitarie e un document di identitât valit. Si intint che cheste opzion e podarà subî modifichis tal câs che il miedi sielt nol ves plui di jessi disponibil

Si precise che lis domandis rivadis midiant de pueste eletroniche a saran evadudis in ordin cronologjic daûr di cuant che a son rivadis, tal zîr di 4/5 zornadis di vore, in maniere compatibile cu la viertidure dai sportei al public; dome la sielte fate al sportel o midiant di Sesamo e garantìs la assegnazion imediade dal miedi.

• acedint, puartant cu sè la letare inviade a cjase e la tessare sanitarie cartacie, al sportel de Anagrafe sanitarie di San Denêl, che si cjate li de "Cjase de Comunitât", prefabricât "Ex Fisiatrie", vie Carducci 5 San Denêl, tai oraris e daûr des modalitâts di acès culì:
• lunis 8.30-12.30 acès libar e diret
• martars 13.30-15.00 acès daûr apontament
• miercus 8.30-12.30 acès libar e diret
• joibe 8.30-12.30 acès libar e diret

I operadôrs de Anagrafe Sanitarie a restin a disposizion par ogni informazion dal lunis al vinars des 10.00 aes 12.00 al numar 0432 949568.