Campagne antiinfluençâl 2026/2027 - "Ten cont di te. Ten cont di cui che tu âs dongje"

La campagne vacinâl in Friûl-Vignesie Julie e tacarà miercus ai 14 di Otubar dal 2026. 
La vacine antiinfluençâl e je une dai imprescj plui zovevui par prevignî la influence e ridusi il pericul des sôs complicazions.
La influence e je une malatie respiratorie cuntune gravitât che e varie e e pues causâ complicazions seriis e ricovars, massime tes personis plui fragjilis tant che i anzians e i fruts piçui.

Par cui ise racomandade la vacine?

La vacine antiinfluençâl e je racomandade par ducj i sogjets dai 6 mês insù che no vedin cuintriindicazions pe vacine. Duncje, a puedin vacinâsi dutis lis personis che a vuelin evitâ la malatie influençâl e lis sôs complicazions.

Par fâ la vacine si pues indreçâsi al propri miedi di medisine gjenerâl, al pediatre di libare sielte o contatâ i servizis vacinâi des aziendis sanitariis. Cun chest an si podarà vacinâsi ancje in cualchi farmacie che e aderìs ae campagne vacinâl.

La Regjon Friûl-Vignesie Julie e ufrìs la soministrazion de vacine sore nuie aes fassis di popolazion plui fragjilis, ai sogjets a risi par patologjie e aes categoriis professionâls plui esponudis. La liste complete des categoriis che a son esentadis dal paiament si pues consultâle tal sît de Regjon, a chest leam:

Vacine antiCovid

Ancje chest an, intune cu la campagne antiinfluençâl, e je a disposizion la soministrazion de vacine anti COVID-19, inzornât cuintri de variante XFG.
La vacine e je gratuite par ducj, ancje par cui che nol fâs part des categoriis a risi. La dose di riclam e je anuâl e e pues jessi soministrade almancul trê mês dopo de ultime dose o de infezion di SARS-CoV-2.
La cosoministrazion cun altris vacinis, come chê antiinfluençâl, e je pussibile, di mût di permeti la protezion cuintri dôs des infezions respiratoriis de stagjon invernâl. 
Si pues notâsi midiant dal Call center, dal CUP des Aziendis Sanitariis e des farmaciis che a aderissin.