Vuardie Mediche Turistiche: servizi atîf a For Disore e Tarvis
vinars 11 di Lui dal 2025
Si informe che al è stât ativât il servizi di Vuardie Mediche Turistiche tes sedis chi sot:
- For Disore (vie Madonna della salute, 22 - 043388519 / 3371142183)
- dai 30 di Jugn ai 31 di Avost dal 2025, dal lunis al vinars, des 9:00 aes 17:00
- Tarvis (li dal CAP vie Vittorio Veneto, 74 - 04282931)
- dal 1n di Lui ai 15 di Setembar dal 2025, dal lunis ae domenie, des 10:00 aes 13:30 e des 14:00 aes 18.30, cu la presince di un miedi in turni, a garanzie de ativitât ambulatoriâl e domiciliâr, cheste ultime dopo di un contat par telefon.
Pe ativitât di assistence sanitarie turistiche, la Regjon, cu la Deliberazion de Zonte Regjonâl n. 491/2005, e à fissât chestis tarifis:
- 18,00 € pe prestazion ambulatoriâl
- 30,00 € pe visite domiciliâr
- 10,00 € pai ats medics ripetitîfs (rinovazion de recipe mediche e prestazions ambulatoriâls ciclichis: visitis medichis di control, terapiis inietivis, cicli di medicazions, misurazion de pression).
Il servizi al è indreçât in vie esclusive ai citadins no residents.