Distret dal Friûl di Mieç: cessazion dal miedi di medisine gjenerâl dot.e Pagliano

La Direzion dal Distret sociosanitari dal Friûl di Mieç e informe che la dot.e Ludovica Pagliano e cessarà la ativitât di miedi di medisine gjenerâl cui 28 di Jugn dal 2025 (ultime dì di vore).

ASUFC e à ativât dutis lis proceduris aministrativis che la normative corinte in materie e permet par cjapâ sù un gnûf “miedi di medisine gjenerâl”. Pal moment e va dilunc a cirî un professionist interessât a subentrâ tal teritori par garantî la assistence sanitarie di base a chei pazients che a son cence un miedi di base assegnât.

Dut câs, intant che si spietin i gnûfs inseriments, stant che nol è pussibil assegnâ di ufici un gnûf miedi, si invidin i assistûts a sielzi un miedi di fiducie atîf tal ambit teritoriâl dal Distret dal Friûl di Mieç (Comuns: Basilian, Bertiûl, Cjamin dal Tiliment, Cjasteons di Strade, Codroip, Listize, Merêt di Tombe, Mortean, Sedean, Talmassons, Vildivar), o ben tai ambits dongje, dulà che e je disponibilitât di puescj.

La sielte si podarà fâle cu lis modalitâts solitis:

• jentrant tal Portale SESAMO midiant dal Sisteme Public di Identitât Digjitâl (SPID), de Cjarte di Identitât eletroniche (CIE) o de Cjarte regjonâl/nazionâl dai servizis (CRS o CNS)
• cun acès libar e diret tai Sportei de Anagrafe Sanitarie (trasferîts in vie temporanie te Sede dai Poliambulatoris distretuâi di Viâl Veneto, 33 – prin plan) vierts al public cence apontament il lunis e il miercus des 9.00 aes 13.00 e il martars des 14.00 aes 17.00
• midiant de pueste eletroniche a une des dôs direzions chi sot

anagrafe.sanitaria1.dist.codr@asufc.sanita.fvg.it
cambiomedicocodroipo@asufc.sanita.fvg.it 

La Anagrafe Sanitarie e reste a disposizion par ogni informazion al numar 0432 1910165 di martars, joibe e vinars des 9.00 aes 11.00.