Open Week - Violence su lis feminis: dai 21 ai 26 di Novembar

La Fondazione Onda, Osservatori nazionâl pe salût de femine e di gjenar, e inmanee dai 21 ai 26 di Novembar l'(H)-Open Week dedicât aes feminis vitimis di violence. Intai ospedâi che a aderissin ae rêt Bollini Rosa, e intai centris antiviolence, a saran a disposizion servizis gratuits par judâ lis feminis vitimis di violence furnint struments concrets e direzions par domandâ jutori.

Sul sît www.bollinirosa.it e si cjate la liste dai servizis ufierts des struturis che a aderissin e lis modalitâts di prenotazion.

La Fondazione Onda, Osservatori nazionâl pe salût de femine e di gjenar, te ocasion de Zornade internazionâl pe eliminazion de violence su lis feminis, e propon la seconde edizion dal (H)-Open Week che si fasarà dai 21 ai 26 di Novembar: l’obietîf al è chel di judâ lis vitimis di violence e incoragjâlis a fevelâ, furnint struments concrets e direzions par domandâ aiût. I 170 e plui ospedâi de rêt Bollini Rosa e i centris antiviolence che a partecipin ae iniziative a daran aes feminis, in maniere gratuite, consulencis, visitis, colocuis, un pont informatîf e materiâi di informazion.

Cheste iniziative e fâs part de campagne di comunicazion e di sensibilizazion “La violenza ha molti volti: nessuna maschera per combatterla”, ideade di Fondazione Onda, adun cun Nicla Vassallo, intal 2021, par sburtâ intervents concrets de bande di istituzions, feminis, oms, media e societât civîl cuintri di chest drame, e ancje par furnî aes feminis struments che a sedin bogns di judâlis. La campagne e cjape dentri testemoneancis di feminis studiadis, sienziadis, sportivis, studiôs di fisiche, psicolics, rapresentants di fondazions e di associazions impegnâts in maniere concrete te lote cuintri de violence su lis feminis. La iniziative e va indevant ancje intal 2022, incoragjade dal fat di vê ricevude ancje chest an la Medaie de Presidence de Republiche.

“La violence di gjenar e je une emergjence sociâl grave che e domande la atenzion massime. Par prevignî e par parâ lis vitimis di violence a coventin iniziativis di pueste par che lis feminis a domandin aiût daurman”, e dîs Francesca Merzagora, Presidente de Fondazione Onda. “Midiant di cheste (H)-Open Week o volìn svicinâ lis feminis ae rêt di servizis antiviolence che a àn percors di acet protet e progjets di continuitât assistenziâl e di poie”.

Ai 25 di Novembar e je la Zornade internazionâl pe eliminazion de violence su lis feminis: e je une zornade impuartante stant che e agjìs su lis vitimis dantjur motivazions par cirî un supuart esterni; in cheste setemane Fondazione Onda e vûl dâ un aiût atîf par protezi e judâ lis feminis in dificoltât.

La iniziative si fâs cul patrocini de Presidence dal Consei dai Ministris, dal Consei Nazionâl des Ricercjis, di DonnexStrada, di Fondazione Libellula, di Rifiorire Insieme E.T.S., e cul contribût incondizionât di Aurobindo Pharma Italie, Boehringer Ingelheim Italie, Havas Life Italy e Korian.

La ASUFC e à in program une schirie di iniziativis tra Udin e lis sedis de Basse. Culì sot la liste complete:

• ai 21 di Novembar: cunvigne inmaneade de prof.e Lorenza Driul cul titul "Codice Rosso nel riconoscimento e sostegno alle vittime di violenza domestica e sessuale”
• ai 22 e ai 23 di Novembar tal Ospedâl di Palme - info point te jentrade dal Ospedâl: informazions sui centris di aiût, centris di scolte, sportei, percors protets par maris e fruts
• ai 23 di Novembar: vie Vittorio Veneto a Tisane (zone centrâl) - infopoint-gloriet: informazions sui centris di aiût, centris di scolte, sportei, percors protets par maris e fruts
• ai 24 di Novembar: tai consultoris di Tisane e Sant Zorç: consulence psicosociâl individuâl (ogni consulence e dure cirche 1 ore; e covente la prenotazion) des 9 aes 16, in dutis dôs lis sedis. Numar di telefon / direzion di pueste eletroniche dulà notâsi: 0431529366 e-mail: consultorio-familiare-latisana@asufc.sanita.fvg.it

Note: par prenotâ si à di clamâ tes zornadis di martars des 9.00 aes 12.00 e des 13.30 aes 15.50; di miercus e di joibe des 9.00 aes 12.00

• ai 24 di Novembar: tal consultori familiâr di Tisane e Sant Zorç: conference su lis relazions di cubie funzionâls e sul ricognossiment des dinamichis de violence familiâr dal titul: "Ben...essere nelle relazioni di coppia". A fevelaran Martin Michela, Debora Furlan e Tania Brotto. Orari: 10-11.30 – e covente la prenotazion. Numar di telefon / direzion de pueste eletroniche par notâsi: 0431-529366 – pueste eletroniche: consultorio-familiare-latisana@asufc.sanita.fvg.it
• Note:  par prenotâ si à di clamâ tes zornadis di martars des 9.00 aes 12.00 e des 13.30 aes 15.50; di miercus e joibe des 9.00 aes 12.00.
• ai 24 e ai 25 di Novembar tal Ospedâl di Tisane: infopoint te jentrade dal Ospedâl: informazions sui centris di aiût, centris di scolte, sportei, percors protets par maris e fruts.