Salta al contenuto principale
cîr
stanus daûr
joibe 19 di Novembar dal 2026

Laboratori «Spietant il Nadâl»

Dogne, Novembar dal 2026

Si tignarà a Dogne, tal Centri polifunzionâl, il laboratori «Spietant il Nadâl»: une ocasion par passâ il timp in maniere ative, stant in grup, confrontantsi su tematichis interessantis e metint adun ducj insiemi une opare coletive pal Nadâl. La iniziative, dedicade a personis dai 65 agns in sù e ai partecipants dai Grups di socializazion promovûts dal Servizi sociâl dai Comuns dal Ambit teritoriâl dal Glemonàs, Cjanâl dal Fier e Valcjanâl, e je in program par miercus ai 11, 18 e 25 di Novembar dal 2026, des 10.00 aes 12.00. Il laboratori al è realizât in continuitât cul event «Una mattinata a Dogna» davuelt cun sucès joibe il prin di Otubar ae presince di adults, anzians, volontaris, operadôrs e aministradôrs.

Cheste ativitât di animazion e je stade ideade dal Servizi Sociâl dai Comuns e dal Comun di Dogne, che si zovin de colaborazion de Cooperative Aracon, che e aderìs ae Associazion Temporanie di Imprese «Itaca - Universiis - Codess Fvg - Aracon» (assegnatarie dal apalt intitulât «Servizi finalizât ae gjestion di intervents, servizis e progjets pes personis e pe comunitât», afidât de Aziende Sanitarie Universitarie Friûl Centrâl, ent gjestôr dal Servizi sociâl).
Te suaze di chestis esperiencis, che di cualchi an a son metudis in pratiche tai Grups di socializazion inviâts a Vençon, Mueç, Resie, Pontêbe e Tarvis e tai grups di invecjament atîf "Cjatìnsi" presints a Glemone, Bordan, Montenârs, Osôf e Resiute, e je vignude fûr la volontât di sperimentâ modalitâts di agregazion dedicadis ae personis residentis tai piçui comuns dal ambit teritoriâl, dulà che i numars bas de popolazion anziane a rindin dificil formâ in maniere spontanie grups avonde numerôs e stabii.
Cheste rêt largje e lavore cun coesion, si integre ancje cul volontariât locâl e, par ce che al inten ae ativitât dai Grups di socializazion, cu lis operadoris de Cooperative Itaca impegnadis tal servizi di acompagnament e traspuart promovût de Comunitât di Mont dal Cjanâl dal Fier e de Valcjanâl inte suaze de Strategjie Nazionâl Areis Internis. Dutis lis realtâts che a partecipin ae organizazion a intindin favorî il benstâ de popolazion adulte e anziane, prevignî l'isolament e la solitudin, promovi la partecipazion tes comunitâts locâls.
La partecipazion al laboratori «Spietant il Nadâl» e je sore nuie. Si domande une conferme di adesion contatant il Comun di Dogne al numar 0428 93000 - interni 1 des 10.00 aes 12.00 o ben scrivint ae direzion di pueste eletroniche segreteria@comune.dogna.ud.it.


data ultima modifica: 20 di Novembar dal 2026