Laboratori “FotoImpronte”: dai 20 di Lui ai 10 di Avost, 4 escursions intal teritori dal Glemonàs
martars 11 di Lui dal 2023
Par cure dal Servizi Sociâl dai Comuns inte suaze dal progjet "Spazio Giovani"
Tierç laboratori promovût dal Servizi Sociâl dai Comuns dal ambit Glemonàs, Valcjanâl, Cjanâl dal Fier inte suaze dal Progjet «Spazio Giovani» (adun cun «In campo con te» e «Scatti d’arte»).
Il laboratori al à non «FotoImpronte» e al à il fin di fâ sperimentâ ai partecipants «mûts insolits di cjalâ, osservâ e descrivi l'ambient dulintor».
Doprant lis propriis competencis comunicativis, espressivis e creativis in cuatri escursions ae scuvierte dal teritori dal Glemonàs (Centri storic di Glemone, Rocui di Montenârs, Lât dai Trê Comuns e Anel dal Lât Minisini cun Fuart di Mont Ercole, Mont Cumieli e Siele di Sante Agnês), i partecipants a podaran sperimentâ, judâts di esperts, il lengaç fotografic intes sôs svariadis formis.
20 puescj disponibii, preiscrizions dentri dai 17 di Lui: lis ativitâts si fasaran dai 20 di Lui ai 10 di Avost.
In zonte dutis lis informazions e lis schedis di iscrizion.