Inizi campagne di vacinazion COVID-19

Cui 14 di Otubar e je scomençade la vacinazion cuintri dal COVID cu la gnove formulazion inzornade ae variante L.P 8.1. Come che si pues lei te circolâr ministeriâl dai 22 di Setembar dal 2025, il riclam de vacine, valit 12 mês, al podarà jessi soministrât a ducj chei che lu domandin a partî dai 6 mês di etât, ma al è racomandât pes categoriis chi sot:

• Personis di 60 o plui agns;
• Ospits des struturis par degjencis lungjis;
• Feminis che si cjatin in cualsisedi trimestri de gravidance, o tal periodi "postpartum" cjapadis dentri lis feminis che a stan dant di lat;
• Operadôrs sanitaris e sociosanitaris che a dan assistence tai ospedâi, sul teritori e tes struturis pes degjencis lungjis;  students di medisine, des professions sanitariis che a fasin tirocinis in struturis assistenziâls e dut il personâl sanitari e sociosanitari in formazion;
• Personis dai 6 mês ai 59 agns di etât finîts, cun fragjilitât alte, stant che a àn patologjiis o a cundizions che a incressin il pericul di cjapâ il COVID-19 in forme grave come cui che al patìs di patologjiis respiratoriis o cardiovascolârs gravis, malatiis neurologjichis, metabolichis (come il diabete), insuficience renâl, obesitât, patologjiis oncologjichis, imunodeficiencis (sedi primitivis che acuisidis), o pûr cui che al spiete o al à vût un traplant. Tes categoriis prioritariis a son ancje lis personis cun storie di malatiis inflamatoris cronichis e sindromis di malassorbiment, malatiis dal fiât cronichis gravis, sindrome di Down, disabilitâts gravis daûr de leç 104/1922 art 3 come 3.
• Familiârs o assistents di personis cun fragjilitât.

La vacinazion e pues jessi fate:

• dal propri miedi di medisine gjenerâl / pediatre di libare sielte (se a aderissin ae campagne di vacinazion),
• tes sedis vacinâls dal dipartiment di prevenzion ASUFC (Udin, Tarcint, Cividât, Tumieç, San Denêl, Codroip, Tisane, Palme) prenotant midiant dai solits canâi (call center, CUP, farmaciis).
• tes farmaciis che a aderissin, dome par personis cence cundizions di fragjilitât