Si pues prenotâ la VACINE COVID pe fasse dai 6 mês ai 4 agns
vinars 30 di Dicembar dal 2022
Dai 21 di Dicembar dal 2022
Si comuniche che la prenotazion de vacine Comirnaty (BioNTech/Pfizer) e je disponibile dai 21 di Dicembar pe fasse di etât dai 6 mês ai 4 agns.
Cheste vacine e je racomandade pai fruts cun cundizions di fragjilitât une vore impuartantis che a podaressin favorî il disvilup di formis plui severis di infezion di SARS-Cov2.
Cun di plui, tignût cont de indicazion di ûs autorizade de EMA e de AIFA, cheste vacine e sarà a disposizion intai centris di vacinazion, in sessions di pueste, ancje pai fruts di cheste etât che no presentin lis cundizions di fragjilitât ditis parsore, daûr domande dal gjenitôr o di cui che al à la potestât gjenitoriâl.
Pai fruts che a jentrin inte liste des cundizions di fragjilitât de circolâr ministeriâl, si consee ai gjenitôrs di contatâ il centri specialistic di riferiment teritoriâl par verificâ se al è pussibil fâ la vacine li dal repart specialistic pediatric che al sta daûr al frut.
La seconde dose e vignarà soministrade 3 setemanis dopo de prime, e la tierce almancul 8 setemanis dopo de seconde.
La prenotazion, gjavâts i câs particolârs specificâts parsore, si podarà fâ doprant i canâi solits: Call center, CUP, farmaciis.
Par cualsisei dubi su la soministrazion de vacine anti SARS-CoV-2 al è simpri miôr consultâ il pediatri di fiducie.