Virtus Viriditas – Strecis di Gaia: laboratori di art e di benstâ pes pazientis de Gjinecologjie di Udin

Lunis ai 8 di Mai dal 2023, in ocasion de Zornade Mondiâl dal Carcinome Ovaric, si è davuelt l’event "Virtus Viriditas – Strecis di Gaia", un laboratori di art e di benstâ pes pazientis cun tumôrs gjinecologjics, promovût de LILT F-VJ e de Struture di Ostetricie e Gjinecologjie dal Ospedâl di Sante Marie de Misericordie di Udin, cu la colaborazion de LILT di Udin.

Il laboratori al jere dedicât ae trame creative e al colôr vert, ideât par favorî la centradure, il benstâ e une condivision fiduciose a nivel interpersonâl. Inte ocasion, lis pazientis a àn fat pendacui artesanâi, instreçant fîi di ram e lane, colaborant in maniere ative tra di lôr e infin partecipant a une opare condividude, che e je stade donade al repart come segn piçul de esperience artistiche e di grup.

Il laboratori al è stât diret de arterapeute Francesca Salcioli e si è tignût te sale riunions de Ostetricie e Gjinecologjie, tal tierç plan dal Paveon 7, che di cualchi mês in ca al è la gnove sede dal repart.