La associazion Musicolics e à donât piçui struments e zûcs ae Cliniche Pediatriche di Udin
vinars 27 di Dicembar dal 2024
Martars ai 17 di Dicembar e je stade fate une curte cerimonie di ringraciament te Cliniche Pediatriche dal Presidi Ospedalîr di Udin pe donazion fate de Associazion Musicolics di struments musicâi e di zûcs pai piçui pazients.
La donazion e rive di une racuelte di bêçs che il ciclist e musicist Alessandro Tammelleo al à promovût vie pal Istât passât intant dal zîr ciclomusicâl di 10 dîs dilunc de cueste adriatiche clamât "La biciclete de solidarietât".
La prof.e Paola Cogo, diretore de Cliniche, e ducj i siei colaboradôrs a ringraciin la Associazion pal biel segn di solidarietât.