"Ciao bro, stai chill!" - Cemût frontâ la preadolessence dai fîs
miercus 5 di Fevrâr dal 2025
Incuintris pai gjenitôrs dai fruts che a frecuentin lis scuelis secondariis di prin grât. A Glemone, tra Fevrâr e Març dal 2025.
Il Servizi sociâl dai Comuns dal ambit teritoriâl dal Glemonàs e dal Cjanâl dal Fier-Valcjanâl e la Cooperative Sociâl Aracon (che e aderìs ae Associazion Temporanie di Imprese «Cooperative Itaca – Universiis – CODESS FVG – Aracon») in colaborazion cul Istitût Comprensîf di Glemone, a promovin la serie di incuintris «Ciao bro, stai chill!» Cemût frontâ la preadolessence dai fîs, indreçât ai gjenitôrs dai fruts che a frecuentin lis Scuelis Secondariis di prin grât.
I incuintris a vuelin promovi un spazi di condivision tra adults su chestis tematichis: cemût sintonizâsi cui fruts e cu lis lôr dibisugnis, cemût scoltâ i lôr tasês e decifrâ il lôr lengaç, fâ domandis justis tal moment adat e cognossi i lôr compits evolutîfs.
I apontaments, direts di Amanda Dreossi, psicolighe psicoterapeute de Cooperative Aracon, a son in program a Glemone, te Aule «Atelier» de Scuele Primarie di Plovie, lunis ai 3 e ai 17 di Fevrâr e lunis ai 10 e ai 24 di Març dal 2025, des 18.00 aes 19.30.
La iniziative e je promovude inte suaze dal Program di Intervent pe Prevenzion de Istituzionalizazion (P.I.P.P.I.), cofinanziât dal Ministeri dal Lavôr e des Politichis Sociâls e de Universitât di Padue e finalizât a «gjenerâ gnovis pratichis preventivis» par «rispuindi ae dibisugne di ogni frut e fantat di cressi intun ambient stabil, sigûr, protetîf e “nutritîf”».
Il Program al met in rêt lis Regjons, i Ambits Teritoriâi Sociâi, la Sanitât, i Servizis pe Infanzie, lis Scuelis, i Ents dal Tierç Setôr che a vuelin impegnâsi, in misuris diferentis, par «incressi la sigurece dai fruts e puartâ in miôr la cualitât dal lôr disvilup» rinfuarçant la responsivitât dai gjenitôrs, daûr di ce che al aferme il Nurturing Care Framework for Early Childhood Development (NFC), un document che al definìs la gjenitorialitât responsive tant che une modalitât dal adult atente ai segnâi e ai compits evolutîfs dal frut, sensibile e fondade sul scambi empatic e sul incoragjament (Alushaj et al., 2021; World Health Organization et al., 2018).
Par vê plui informazions:
Servizi sociâl dai Comuns: 3479517745
Cooperative Aracon: 3425149093