O vîf ben e o resti a For: ai 23 di Mai e ai 6 di Jugn
vinars 12 di Mai dal 2023
Incuintris in colaborazion cul Servizi Sociâl dai Comuns de Cjargne
Dopo de esperience fate tal Fevrâr passât, cu la grande partecipazion di personis di For Disore e di For Disot, lis dôs Aministrazions comunâls, in colaborazion cui operadôrs de Cooperativa Sociale Itaca e dal Servizi Sociâl dai Comuns de Cjargne a àn organizât altris doi moments di incuintri par dute la popolazion interessade.
Intal ambit de iniziative “O vîf ben e o resti a For”, i apontaments previodûts a saran:
- martars ai 23 di Mai dal 2023, des 17.30 aes 18.30, tal “Centri di Comunitât e di Agregazion” di For Disore. Il teme al sarà “Lassâsi cjapâ in cure: la sfide di acetâ un gnûf rûl inte famee”. Cu la psicolighe, dot.e Giulia Sillani, si fevelarà dal benstâ te tierce etât e de dibisugne di cambiament intai ecuilibris e intes relazions in famee e no dome.
- martars ai 6 di Jugn dal 2023, des 17.30 aes 18.30, tal “Centri Diurni Mara Nassivera” di For Disot. In cheste ocasion il teme tratât al sarà “Cjapâsi cure: cemût sostignî la relazion di cure”. In chest câs la dot.e Sillani nus proponarà riflessions par vivi cun plasê il propri rûl di persone che si cjape cure di anzians e di personis fragjilis (caregivers familiârs e professionâls), e par frontâ lis situazions di dificoltât tipichis de tierce etât.
La partecipazion ai incuintris e je gratuite e al tiermin des presentazions al è previodût un moment conviviâl cu la sperance di riviodisi e par passâ cualchi moment seren insiemi.
Par vê plui informazions o par prenotâ, se necessari, il traspuart tes sedis rispetivis, si à di contatâ l'Ufici Anagrafe dal Comun di Residence: pal Comun di For Disot 0433. 87025 (siore Barbara) e pal Comun di For Disore 0433. 88056 (siore Elisa).
Cu la sperance che cheste iniziative e puedi interessâ la popolazion e jessi une semence che e gjeneri simpri plui progjets impuartants pal benstâ des personis e de comunitât.