Distret di San Denêl: cessazion dal miedi di medisine gjenerâl

Dal 1ⁿ di Zenâr dal 2023 il dot. Alessandro Nicoloso al lassarà la ativitât di miedi convenzionât intal ambit teritoriâl che al cjape dentri i Comuns di Buie, Colorêt di Montalban, Cosean, Dignan, Feagne, Flaiban, Forgjarie, Maian, Murùs, Ruvigne, Rivis Darcjan, San Denêl, San Vît di Feagne e Trep Grant, che a son part dal Distret Culinâr di San Denêl.

Stant che nol è pussibil assegnâ di ufici il gnûf miedi di assistence primarie, par vie che la normative in materie e previôt la libertât di sielte dal citadin, i assistûts a son invidâts a dâ la preference pal lôr gnûf miedi responsabil tra chei che a son tal ambit teritoriâl dal Distret Culinâr (cun puescj disponibii). La liste si le pues consultâ cun chest link, dulà che si cjatin in detai i oraris e lis sedis dai ambulatoris.
Intal rispiet des disposizions corintis par limitâ la difusion dal virus COVID-19, la sielte dal gnûf Miedi di Medisine Gjenerâl si podarà fâ:

• midiant dal Portâl SESAMO, https://sesamo.sanita.fvg.it/sesamo/#/index, jentrant cul Sisteme Public di Identitât Digjitâl (SPID), cu la Cjarte di identitât eletroniche (CIE) o cu la Cjarte regjonâl/nazionâl dai servizis (CRS o CNS).
• inviant il modul in zonte, jemplât e firmât, a cheste direzion di pueste eletroniche: cambiomedicodistrettosandaniele@asufc.sanita.fvg.it cu la proprie preference dal miedi tra chei che si puedin consultâ tal sît aziendâl, zontant un document di identitât valit. Si ricuarde che la opzion sielzude e podarà jessi subiete a variazions tal câs che il miedi indicât nol sedi plui disponibil. Si precise che lis domandis inviadis par email a vignaran processadis dentri di 4/5 dîs di vore daûr dal ordin cronologjic che a son rivadis, tignint cont dai oraris di viertidure al public dal sportel; dome la sielte fate tal sportel o midiant di SESAMO e garantìs la assegnazion imediade dal miedi.
• cun acès libar e diret, cu la tessare sanitarie di cjarte, li dal sportel dedicât tal Distret sanitari di Feagne, in vie dei Colli n. 66 – Feagne, dome in chestis zornadis e in chestis fassis orariis:

• inviant par pueste ordenarie il modul in zonte, jemplât e firmât a cheste direzion: ASUFC - Distretto Collinare - Ufficio Anagrafe Sanitaria, Viale Trento Trieste 33, 33038 San Daniele.
  
  

L'Ufici de Anagrafe sanitarie dal Distret di San Denêl al restarà viert intes zornadis e intes fassis orariis di simpri.

Si precise che, tal câs che si vueli acedi ai sportei, intal rispiet di ducj e par permeti la presince limitade di personis intai locâi, al è impuartant lâ daûr di chestis indicazions:

• rispietâ i percors segnalâts di jentrade, di acès e di jessude
• tignî sù la mascarute pe protezion des viis respiratoriis (ordenance dai 31.10.22 Ministeri de salût – proroghe dal oblic di ûs des mascarutis fin ai 31.12.22)
• cuant che si jentre, netâsi lis mans cun gjel o cuntune soluzion idroalcoliche a disposizion
• al podarà presentâsi dome l'interessât o il delegât (infûr dai câs là che al covente l’acompagnament)

No puedin jentrâ lis personis sometudis a cuarantene, cun sintoms de influence o cuntune temperadure compagne o plui alte di 37,5 °C.