Laboratori Sanitât 20/30 IA Friûl-Vignesie Julie

Ai 29 e ai 30 di Mai, si fasarà a Vile Manin il secont Laboratori Sanitât 20/30 IA (Inteligjence Artificiâl), promovût cu la Regjon Friûl-Vignesie Julie.

Il "manifest su la Inteligjence Artificiâl", che al sarà presentât tal Laboratori Sanitât 20/30 IA, al vûl promovi une comunitât dal fâ, che e viodarà insiemi Istituzions Sanitariis Nazionâls e Regjonâls, esperts, managers publics e privâts, professioniscj de sanitât e partners tecnologjics par promovi la inteligjence artificiâl responsabile tant che strument di cambiament, par un sisteme sanitari plui resilient, sostignibil, just, centrât su la persone.

L'obietîf al è sclarît ben de OMS: la IA tal setôr sanitari e podarà fâ deventâ plui eficientis e precisis lis ativitâts di prevenzion e diagnosi, otimizâ i trataments e il monitorament des malatiis, di là di favorî la erogazion de assistence sanitarie aes popolazions mancul servidis, puartâ in miôr il control de salût publiche e puartâ indenant la ricercje sanitarie.

Cu la disponibilitât simpri plui grande di dâts sanitaris (ecosisteme dai dâts sanitaris) e il progrès svelt intes tecnichis di analisi, la AI e podarà trasformâ il setôr sanitari, che al è un di chei plui impuartants e complès che a cjapin dentri i citadins, lis societâts e lis economiis di dut il mont.

Par podê notâsi e consultâ il program dal event https://sanita2030.it/