Vuardie mediche turistiche For Disore: servizi atîf dai 23 di Dicembar ai 25 di Zenâr
lunis 23 di Dicembar dal 2024
Il Distret sociosanitari de Cjargne al comuniche che dai 23 di Dicembar dal 2024 ai 25 di Zenâr dal 2025 al è atîf il servizi di assistence sanitarie pe popolazion turistiche di For Disore.
Il servizi al è atîf dal lunis al vinars des 9.00 aes 17.00 li dal Poliambulatori di For Disore - vie Madonna della salute, 22 - telefon 3371142183
La ativitât ambulatoriâl (e eventuâls visitis domiciliârs) pe assistence sanitarie turistiche e sarà ativade tai ambulatoris dal miedi di continuitât assistenziâl (vuardie mediche).
Pe ativitât di assistence sanitarie turistiche, la Regjon, cu la Deliberazion de Zonte Regjonâl n. 491/2005, e à fissât chestis tarifis:
- 18,00 € pe prestazion ambulatoriâl
- 30,00 € pe visite domiciliâr
- 10,00 € pai ats medics ripetitîfs (rinovazion de recipe mediche e prestazions ambulatoriâls ciclichis: visitis medichis di control, terapiis inietivis, cicli di medicazions, misurazion de pression).
Pes emergjencis, si à di clamâ il 112.
Il servizi di continuitât assistenziâl al continuarà a jessi garantît tal Poliambulatori di For Disore ogni dì des 20.00 aes 8.00, e des 10.00 de zornade prefestive aes 8.00 di chê dopo de festive.