Distret Friûl Centrâl (Udin): cessazion miedi di medisine gjenerâl dot.e Marina Pellegrini e dot. Flavio Colle
vinars 27 di Dicembar dal 2024
Il Distret sociosanitari Friûl Centrâl al informe che la dot.e Marina Pellegrini e il dot. Flavio Colle a finiran la ativitât di miedi di medisine gjenerâl convenzionât cu la Aziende Sanitarie Universitarie Friûl Centrâl. La dotore ai 31 di Dicembar dal 2024 (ultin dì di vore) e il dotôr ai 30 di Dicembar dal 2024.
ASUFC e à inviât dutis lis proceduris aministrativis previodudis de normative in vore par reclutâ un gnûf "miedi di medisine gjenerâl", ma la carence di professioniscj e je un probleme seri che al tocje dut il teritori nazionâl.
A vuê la Aziende e à cjatât un professionist che al tacarà cui prins mês dal 2025 e e je daûr a cirî un professionist che al sedi interessât a cheste posizion par garantî la assistence sanitarie ai pazients che no àn ancjemò sielzût un gnûf miedi di medisine gjenerâl atîf tal Ambit teritoriâl di Pagnà e Tavagnà, o ta chei dal dulintor cun puescj disponibii, ancje intun altri distret.
La Anagrafe Sanitarie di Udin (in vie San Valentino) e sarà vierte al public cui solits oraris, di lunis a vinars des 8:00 aes 16:45 e ancje intes zornadis dai 24 e dai 31 di Dicembar.
La Anagrafe Sanitarie di Tavagnà (li dal CAP di Felet in place Libertà) e sarà vierte al public cui solits oraris di martars e joibe des 9:30 aes 13:30 e, in vie ecezionâl, ancje intal dopomisdì dai 24 e dai 31 di Dicembar.
Cun di plui, par cambiâ il miedi fra chei disponibii tal Ambit dal propri domicili sanitari, si podarà simpri doprâ il Portâl SESAMO. Par jentrâ, a coventin il Sisteme Public di Identitât Digjitâl (SPID), la Cjarte di identitât eletroniche (CIE) o la Cjarte regjonâl/nazionâl dai servizis (CRS o CNS).