vinars 27 di Dicembar dal 2024
Distret sociosanitari Friûl Centrâl: comunicazion pai pazients de dot.e Barbara Bergnach
Gnovis assegnazions cul 1n di Zenâr dal 2025
Il Distret sociosanitari Friûl Centrâl al comuniche che cul 1n di Zenâr dal 2025 i pazients de dot.e Barbara Bergnach a vignaran assegnâts in automatic ae dot.e Marta Duca.
In cualsisedi moment, a podaran cambiâ il miedi di medisine gjenerâl par un altri, daûr dai puescj libars che ognidun di lôr al à.
La dot.e Duca e varà la sô ativitât professionâl intal ambulatori di Pasian di Prât (Udin), vie Beorchia n. 16, telefon 3899660686, e e ricevarà, cun apontament, in chescj oraris:
- lunis des 9:15 aes 12:15 e des 13:30 aes 15:30;
- martars des 9:15 aes 12:15;
- miercus des 9:15 aes 12:15;
- joibe des 15:30 aes 18:30;
- vinars des 9:15 aes 12:15.
data ultima modifica:
27 di Dicembar dal 2024