Distret sociosanitari di Codroip: cessazion miedi di medisine gjenerâl dot. Lapadula Franco

La Direzion dal Distret sociosanitari di Codroip e comuniche che il dot. Franco Lapadula al finirà la ativitât di miedi di medisine gjenerâl convenzionât cu la Aziende Sanitarie Universitarie Friûl Centrâl ai 31 di Dicembar dal 2024 (ultime dì di lavôr).

ASUFC e à inviât dutis lis proceduris aministrativis previodudis de normative in vore par reclutâ un gnûf "miedi di medisine gjenerâl", ma la carence di professioniscj e je un probleme seri che al tocje dut il teritori nazionâl. 

La Aziende e je daûr a cirî un professionist che al sedi interessât a cheste posizion par garantî la assistence sanitarie ai pazients che no àn ancjemò sielzût un gnûf miedi di medisine gjenerâl atîf tal Ambit teritoriâl unic dal Distret dal Friûl di Mieç di Codroip (Comuns: Basilian, Bertiûl, Cjamin dal Tiliment, Cjasteons di Strade, Codroip, Listize, Merêt di Tombe, Mortean, Sedean, Talmassons, Vildivar), o ben tai ambits dongje cun puescj disponibii. 

La Anagrafe Sanitarie di Codroip (viâl Duodo, 82) e sarà vierte pal public, in vie ecezionâl, no dome tes zornadis/oris ordenariis (lunis e miercus des 9.00 aes 13.00 - martars des 14.00 aes 17.00), ma ancje in chestis zornadis cun acès libar e diret:

• joibe ai 2 di Zenâr des 9:00 aes 13:00
• vinars ai 3 di Zenâr des 9.00 aes 13.00
• joibe ai 9 di Zenâr des 9:00 aes 13:00
• vinars ai 10 di Zenâr des 9.00 aes 13.00

L’ufici si pues contatâlu ancje al numar 0432 1910165 il martars, la joibe e il vinars des 9.00 aes 11.00 o par e-mail aes direzions:

anagrafe.sanitaria1.dist.codr@asufc.sanita.fvg.it o ancje cambiomedicocodroipo@asufc.sanita.fvg.it 

Cun di plui, par cambiâ il miedi fra chei disponibii tal Ambit dal propri domicili sanitari, si podarà simpri doprâ il Portâl SESAMO. Par jentrâ, a coventin il Sisteme Public di Identitât Digjitâl (SPID), la cjarte di identitât eletroniche (CIE) o la Cjarte regjonâl/nazionâl dai servizis (CRS o CNS).