Cors par “walking leader”, condutôr di cjaminadis di grup
vinars 25 di Avost dal 2023
A Glemone ai 15 di Setembar inte suaze dal progjet “FVG in movimento - 10 mila passi di salute”
L’incuintri al è indreçât a dute la popolazion, di ogni fasse di etât, che e je interessade a savê di plui su la impuartance de ativitât fisiche.
La partecipazion e à l’obietîf di formâ condutôrs volontaris di cjaminadis di grup. Cjaminâ in compagnie al è une ativitât semplice che e favorìs la socialitât, e aumente i nivei di salût e il benstâ di ducj.
La Aziende Sanitarie, Federsanitât ANCI FVG, la Direzion Centrâl Salût, politichis sociâls e disabilitâts de Regjon Autonome Friûl-Vignesie Julie, il Cors di Lauree in Siencis Motoriis de Universitât dal Friûl e lis Associazions locâls, a àn colaborât ae realizazion dal event, che al jentre tal progjet “FVG in movimento 10 mila passi di Salute”. Vuê, cuasi 100 comuns dal Friûl Vignesie Julie a àn prontât percors par cjaminâ in sigurece tra lis bielecis dal teritori.
L’apontament al è par vinars ai 15 di Setembar aes 16.15 a Glemone te sede dal Cors di Lauree in Siencis Motoriis, plaçâl Simonetti, 2.
Il program complet al è in zonte.