Mudament de durade de validitât de impegnative par visitis specialistichis e esams diagnostics cence prioritât e pes analisis di laboratori

Lis impegnativis cence prioritât e di "altri acès" (consult o esam di control - monitorament) o cence tipologjie di acès (esams di laboratori), che fin a vuê no vevin vincui pe prenotazion, di cumò indenant a varan di jessi notadis dentri di 180 dîs de date di prescrizion (la date si pues viodi su la impegnative).

La prenotazion de prestazion si à duncje di fâle dentri dai 180 dîs di validitât de impegnative (fale che te recipe no sedi stade dade une indicazion diferente).

Se no si rispiete chest tiermin, no si podarà plui doprâ la recipe e si varà di domandâi une gnove prescrizion al miedi che le veve furnide. Cuant che si à fate la prenotazion, la impegnative e reste valide fin che no si à fat la visite o l'esâm che si veve prenotât.

Si precise che l'apontament fissât par fâ i esams di laboratori midiant dal Call center e des farmaciis teritoriâls nol bloche la scjadince de impegnative. In chescj câs, si podarà fissâ l’apontament dome dentri dal limit di timp massim di 180 dîs de date di prescrizion segnade su la impegnative. Se si à di fâ esâms di laboratori plui inlà dai 180 dîs de date di emission de impegnative, l'utent al varà di indreçâsi ai Sportei CUP, simpri dentri dai 180 dîs de date di prescrizion, par fissâ un apontament di là dai tiermins cence che la impegnative e pierdi la sô validitât.

Pes impegnativis cun prioritât i tiermins no mudin.

* si intindin dîs seguitîfs