Ospedâl di Udin: note su lis modalitâts di acès al servizi prelêfs

Si informe la utence che cun Lunis ai 27 di Lui si metarà in vore une revision des modalitâts di acès al servizi di prelêfs tal paveon 1 dal Presidi Ospedalîr Sante Marie de Misericordie di Udin, adun cu la riorganizazion dai percors dedicâts ae prenotazion e ae acetazion.

La riorganizazion e previôt un aument dal numar di prestazions che si puedin prenotâ e al sarà introdusût un limit massim par dì pai prelêfs cun acès diret, in mût di garantî une gjestion plui ordenade dai flus, une regolaritât plui grande de ativitât e la riduzion dai timps di spiete.

Pai prelêfs cun acès diret e reste confermade la fasse orarie dedicade des 07:00 aes 09:30 fin che no son plui puescj disponibii.

Si invidin i utents a favorî la modalitât di acès cun prenotazion, che e permet une miôr planificazion de ativitât e une plui grande puntualitât te prestazion.