Distret dal Friûl di Mieç (Udin): gnove pediatre di sielte libare
lunis 27 di Mai dal 2024
Cui 3 di Jugn e tache la ativitât la dotore Di Benedetto
Cui 3 di Jugn, intal ambit teritoriâl dai comuns di Cjampfuarmit, Martignà, Pagnà, Pasian di Prât, Pavie di Udin, Puçui, Pradaman, Tavagnà e Udin, la dotore Anna Di Benedetto e tacarà la sô ativitât tant che pediatre titulâr di sielte libare. Tal stes timp, la dotore Rachele Menardi no sarà plui la pediatre provisorie.
Di chê dì indenant, si podarà sielzi il pediatri di sielte libare doprant il portâl SESAMO o lant li dai sportei de anagrafe sanitarie di Udin e di Felet (Tavagnà), puartantsi daûr la tessare sanitarie e, se e al covente, la deleghe che si ricêf par pueste. I oraris dai sportei a son:
- Anagrafe Sanitarie dal Distret di Udin, dal lunis al vinars des 8:00 aes 16:45
- Anagrafe Sanitarie dal CAP di Felet (Tavagnà), la joibe des 9:30 aes 12:30
La dotore Di Benedetto e puartarà indenant la sô ativitât professionâl intal ambulatori di Pasian di Prât, in vie dell’Asilo n.5. Il so numar al è 3271821641. E ricêf dome su apontament cun chescj oraris:
- Lunis e miercus des 15:00 aes 18:00
- Martars, joibe e vinars des 9:00 aes 12:00
La sede de dotore Forchì e ven trasferide
Simpri cui 3 di Jugn, la dotore Caterina Forchì e trasferìs la sede dal so studi professionâl di Pasian di Prât a Udin, in vie Monte Hermada n. 5. Il so numar al è 3756705435. I oraris a son chescj:
- Lunis, miercus e vinars des 9:00 aes 13:00
- Martars e joibe des 15:00 aes 18:00