"Tuttinsieme!" joibe ai 2 di Avrîl a Glemone
Une matine di zûcs e divertiment par fruts che a frecuentin lis Scuelis Primariis in colaborazion cui zovins dal servizi S.I.R.I.O.
E je previodude par joibe ai 2 di Avrîl dal 2026, des 9.00 aes 12.00 te Palestre de Scuele Primarie di Plovie a Glemone, la matinade di zûcs "Tuttinsieme!" ("Ducjinsiemi!") promovude dal Servizi Sociâl dai Comuns dal ambit teritoriâl dal Glemonàs e dal Cjanâl dal Fier - Valcjanâl, zovantsi de colaborazion di Aracon Cooperativa Sociale Onlus (che e aderìs ae Associazion Temporanie di Imprese "Cooperative Itaca - Universiis CODESS FVG - Aracon"), cu la colaborazion dal servizi S.I.R.I.O., un servizi de Aziende sanitarie universitarie Friûl Centrâl gjestît di Itaca Cooperativa Sociale Onlus che al da acet a personis cun disabilitâts inteletivis a alt funzionament, e cu la poie dal Comun di Glemone, che al à autorizât a doprâ la palestre.
Vie pe matine, dedicade ai fruts des Scuelis Primariis, a saran ativitâts par ducj i guscj: in cercli, espressivis, ma ancje zûc libar, zûcs di grup e in moviment. Cualchi persone dal servizi S.I.R.I.O. e supuartarà i educadôrs tes ativitâts e e prepararà la mirinde par ducj chei che a parteciparan.
Si podarà dâur acet a massime 20 fruts. Ogni partecipant al varà une assicurazion. Lis ativitâts a son sore nuie. Si varà di fâ une preiscrizion inviant un messaç, ancje vie WhatsApp, o telefonant al numar 349 2283063 (Cooperative Aracon) dentri di martars ai 31 di Març dal 2026. Si invidin i gjenitôrs a indicâ eventuâls alergjiis o intolerancis alimentârs dai lôr fîs.