«Tuttinsieme… salutando l’estate!»: iniziativis dal Servizi Sociâl dal Glemonàs
miercus 3 di Setembar dal 2025
Iniziativis par fruts, fantats e gjenitôrs
A son ancjemò dôs iniziativis in program a Glemone dai 8 ai 10 di Setembar, ven a stâi il laboratori «Tuttinsieme… salutando l’estate!» indreçât ai fruts di etât dai 7 ai 10 agns, che si fasarà lunis ai 8 e miercus ai 10 di Setembar (des 14.30 aes 16.30) e la zornade di zûcs «Let’s play together… again!»par fruts e fantats dai 7 ai 14 agns che si fasarà martars ai 9 di Setembar (des 10.30 aes 16.30).
Laboratori "Tuttintondo" a Vençon dai 16 di Setembar ai 7 di Otubar
I incuintris a son indreçâts ai frutins dai 12 ai 36 mês e ai lôr gjenitôrs (o a cui che ju acompagne). Il percors al à plui obietîfs: stimolâ i piçui a jessi autonoms e a esplorâ l'ambient, judâ la lôr creativitât, promovi la relazion tra fruts e grancj e lis primis interazions tra i fruts fasint zûcs, ativitâts di manipolazion, stravâs, dissens, costruzions, cjantis, nainis, rimis e leturis.
Il laboratori al darà ai grancj ancje un spazi di dialic e di confront psicoeducatîf.