Tumôrs de ovadorie e dal endometri, de Fondazion Onde la mapadure nazionâl dai ospedâi specializâts par une cjapade in caric complete: l'Ospedâl di Udin tra lis realtâts virtuosis

Une mapadure dai ospedâi cui Bolins colôr di rose che a ufrissin percors e servizis tal cjamp de oncologjie gjinecologjiche sul teritori nazionâl par supuartâ lis feminis maladis di tumôr de ovadorie o dal endometri, individuant chês struturis che si distinguin pe alte specializazion, pe multidissiplinaritât tal cjapâ in caric e pe capacitât di ufrî une assistence ‘umane' e personalizade.

E je chê che e je stade fate de Fondazione Onda, Osservatori nazionâl su la salût de femine e di gjenar, e presentade ai 15 di Març dal 2023, intun event dedicât tal Senât de Republiche.

Une iniziative che e vûl rispuindi cuntun at concret aes dibisugnis specifichis des feminis che a patissin di chescj tumôrs, al impat traumatic e al disorientament leât dispès ae diagnosi, ae dibisugne profonde di une cjapade in caric clare e complete de bande di miedis e struturis sanitariis, cemût che si è viodût intun studi cualitatîf detaiât presentât intant dal event.

Il cancar de ovadorie al è un tumôr avonde râr: daûr dai dâts de Associazion taliane regjistris tumôrs (AIRTUM) al cjape, intal arc de vite, une femine su 82. Al è un tumôr che al scjampe ae diagnosi precoce: dispès al à za dât metastasi cuant che al ven diagnosticât (Font: AIRTUM-AIOM-Fondazione AIOM).

L’obietîf de mapadure dai “Percors di Oncologjie gjinecologjiche a misure di femine” al è chel di identificâ i ospedâi cui Bolins colôr di rose che a valorizin la personalizazion e la umanizazion de assistence ufrint servizis che a calcolin lis dibisugnis e lis spietis des feminis cul tumôr de ovadorie e dal endometri. A son 130 i ospedâi sul teritori nazionâl che a àn partecipât ae iniziative presentant la lôr candidature midiant di un cuistionari on line di pueste, fat di 28 domandis indreçadis a valutâ diviersis tipologjiis di servizi che a son impuartantis par garantî une buine gjestion de femine cul tumôr de ovadorie e dal endometri (par es. multidissiplinaritât de cjapade in caric, supuart psicologjic oncologjic e v.i.). Il ricognossiment al è stât assegnât di un Advisory Board specific, che al à validât lis candidaturis e i risultâts, individuant 40 ospedâi a misure di femine e tra chei, apont, ancje l'Ospedâl di Udin.

Dopo vê otignût che nol è tant l'increditament european come centri certificât pal tratament chirurgjic dai tumôrs des ovadoriis, al è un altri ricognossiment pal centri e un servizi impuartant pes pazientis.

La dotore Driul, diretore de cliniche ostetriche gjinecologjiche di Udin: "Il percors de paziente al è pôc definît e struturât: za dal principi de malatie, la esigjence e je chê di jessi indreçadis ai specialiscj e ai centris juscj, cence dispersions e ipotesis diagnostichis faladis, par vinci chê sensazion di disorientament e di angosse. Al è clâr che al covente jessi vuidadis devant de diagnosi: cognossi i centris specializâts, chei dongje di cjase, podê jessi metudis dentri il prin pussibil intun ‘protocol terapeutic' clâr e definît, ben sclarît ae paziente. E covente une cjapade in caric globâl, multidissiplinâr, cun obietîfs terapeutics clârs e condividûts che lis fasin sintî acetadis, protetis, curadis.

O calcoli che la nestre cliniche Ostetriche Gjinecologjiche ASUFC, in graciis di une rêt multidissiplinâr dulà che a lavorin tantis figuris professionâls cun diviersis specialitâts e specializazions, e permeti vuê di cjapâ in caric ad in plen la paziente, che e ven assistude dal moment de diagnosi, dal tratament e dal follow-up che al ven dopo".