Spazi relazionâl «Prime esplorazioni»
A Vençon, dai 15 ai 29 di Otubar
Cun joibe ai 15 di Otubar, fin a joibe ai 29 al sarà atîf a Vençon, te ex Scuele di Stazion di Cjargne, des 9.30 aes 11.30 il spazi relazionâl «Prime esplorazioni» pai fruts dai 6 ai 12 mês e pai lôr gjenitôrs
La iniziative, inmaneade in continuitât cu la esperience precedente, che si è davuelte a Osôf tal mês di Mai, e je metude adun te suaze dal Centri pe famee.
Il spazi al à cetancj obietîfs: stimolâ i frutins ae autonomie e ae esplorazion dal ambient; promovi la relazion tra frut e adult e lis primis relazions tra fruts midiant di zûcs, ativitâts di manipolazion, travâs, dissens, costruzions, cjants, filastrocjis, rimis e leturis; favorî il dialic tra adults, condividint dubis e curiositâts su la fase di disvilup specifiche di chel moment dai fruts.
Lis ativitâts a son sore nuie. Par podê zovâsi de cuvierture assicurative al è obligatori iscrivisi ancje par jentrâ une volte sole. La iscrizion no oblearà la famee a frecuentâ cun regolaritât. La preiscrizion e varà di jessi fate inviant un messaç o ben telefonant al numar 340 1804755 dentri di joibe ai 8 di Otubar dal 2026.
La iniziative e je promovude dal Servizi Sociâl dai Comuns dal ambit teritoriâl dal Glemonàs e dal Cjanâl dal Fier-Valcjanâl, cu la colaborazion dal Comun di Vençon, de Pro Loco Pro Venzone e zovantsi dal contribût dai operadôrs de Cooperative Sociâl Aracon.