SESAMO - Fassicul sanitari eletronic – Disponibile une funzion gnove: Prenotazion dal puest pal prelêf di sanc

Si visin i utents che si puedin prenotâ online dome i esams dal sanc che no àn bisugne di preparazions particolârs, stant che par chescj l'acès nol è libar ma al va daûr di agjendis dedicadis.

In particolâr, a son escludûts chei esams che a son leâts a ponts di prelêf specifics, su indicazion des Aziendis. Par dutis chestis prestazions si àn di doprâ i canâi di prenotazion convenzionâi e si scuegnin consultâ lis istruzions dadis de vuestre Aziende Sanitarie di riferiment.

Ogni assistût al varà di presentâsi in chê dì dal apontament cu la stampe dal pro memoria dal apontament, la impegnative e la tessare sanitarie. Si ricuarde che il refert si lu pues viodi on line, domandant al operadôr dal sportel la consegne midiant dal sisteme referts online o midiant dal FSE Sesamo.

Il servizi al permet di prenotâ un apontament par fâ i esams dal sanc intun centri prelêfs des struturis dal SSR F-VJ.
Lis struturis a son organizadis par aree teritoriâl, il servizi al propon chês plui dongje de Aziende Sanitarie di riferiment. Si pues viodi la disponibilitât in chês altris areis cul boton di pueste.

Atenzion: prime di fâ il prelêf si à di indreçâsi ae acetazion puartant la impegnative cu la prescrizion dai esams.