#Serate della salute: prin incuintri a Tarvis vinars ai 2 di Avost

Vinars ai 2 di Avost aes 18:00 tal Centri Socioculturâl “Julius Kugy” di Tarvis si tignarà la prime serade di une schirie di incuintris informatîfs clamâts #seratedellasalute inmaneâts de Comunitât di Mont dal Cjanâl dal Fier e de Valcjanâl, in colaborazion cul Distret Sociosanitari dal Glemonàs Cjanâl dal Fier Valcjanâl.

In chest prin incuintri, viert a dute la popolazion, si fevelarà des mansions dai professioniscj de salût a domicili, cu la presentazion dal grup e des ativitâts di infermîrs, miedis e fisioterapiscj des curis domiciliârs teritoriâls.