10 di Otubar: zornade mondiâl de salût mentâl

Martars ai 10 di Otubar al è la zornade mondiâl de salût mentâl. Il teme che al è stât sielzût pe edizion 2023 al è “Mental Health is an Universal Human Right” (“La salût mentâl e je un dirit universâl”).

La salût mentâl e i disturps mentâi, tant che altris aspiets de salût, a puedin jessi influençâts no dome di carateristichis individuâls come la capacitât di gjestî pinsîrs, emozions, compuartaments e relazions cun chei altris, ma ancje di fatôrs sociâi, economics, politics e ambientâi, come par esempli lis politichis adotadis a nivel nazionâl, il standard di vite, lis cundizions di lavôr e la protezion/supuart sociâl che su di chescj lis personis a puedin fâ afidament.

Inte comunitât di Tumieç, cul patrocini dal Comun, la zornade mondiâl de salût mentâl si celebrarà cun trê events vierts ae citadinance, tes zornadis dai 8, 10 e 11 di Otubar: in chê ocasion, il Centri di salût mentâl (Csm), adun cu la Cooperative sociâl Itaca “Pandora station” e cun numerosis associazions locâls – tra chestis la Nuova Pro Loco, il Grup Shanghai, la Parochie di Sante Marie di là de Bût e di Sant Martin Vescul, l’ATSAM, il grup CAI di Ravasclêt e lis personis cun esperience di problematichis mentâls – si proponin di sensibilizâ la popolazion sul teme de salût mentâl, di furnî informazions su la rêt de ufierte di servizis, di fevelâ di progjets che a àn puartât lis personis a “stâ miôr” e di proponi percors gnûfs intal teritori, savint che no je salût cence salût mentâl.

In zonte lis locandinis dai 3 events.