Viertis lis iscrizions al cors "Molâ di fumâ" edizion Jugn-Lui 2025
joibe 12 di Jugn dal 2025
A tacaran ai 30 di Jugn, te sede dal Dipartiment des Dipendencis in vie Pozzuolo 330 a Udin, i prossims cors par “Molâ di fumâ”.
Il Centri pe Prevenzion e il Tratament dal Tabagjisim (CPTT) di Udin al propon percors dedicâts a cui che al vûl molâ di fumâ, cul obietîf di facilitâ la interuzion de abitudin al fum e massime di judâ a mantignî la astinence tal timp.
A son viertis lis iscrizions al prossim cors par molâ di fumâ, struturât in 10 incuintris serâi (des 19.30 aes 21.30), distribuîts tal arc di trê setemanis, che al scomençarà ai 30 di Jugn.
Il cors, che si ten te sede dal Dipartiment des Dipendencis in vie Puçui 330 a Udin, al met a disposizion un numar limitât di puescj e al previôt un contribût di partecipazion di 36,00 euro.
Par notâsi e domandâ informazions si pues clamâ il numar 0432 806635 (des 9.00 aes 17.00 di lunis a vinars) o mandâ une email ae direzion dipendenze.prevenzione@asufc.sanita.fvg.it.