Doi ricognossiments pal elisocors furlan
vinars 28 di Otubar dal 2022
Un prin e un tierç puest in congrès nazionâi resints
Doi ricognossiments nazionâi pal Elisoccorso FVG, direzût de dotore Spasiano di ASUFC: al congrès nazionâl di Rome IRC "Trauma, nuove evidenze e percorsi" (ai 14 e 15 di Otubar), il prin premi pal lavôr su la gjestion dal traume pediatric inte base HEMS dal Friûl-Vignesie Julie; invezit, tal congrès HEMS 2022 “Mezzi, tecnologie e servizi per l'elisoccorso” che al è stât fat a Massa ai 23 e 24 di Setembar, al è stât assegnât il tierç premi pal lavôr cul titul "primum non nocere: toracostomia semplice, quattro anni di esperienza HEMS in FVG ".
La dotore Spasiano: "O vin grande sodisfazion tal viodi premiâts a nivel nazionâl i sfuarçs e l'impegn dai nestris operadôrs, a testemoneance dal lavôr grant e de professionalitât che a metin in vore ogni dì, che nus permet di garantî un servizi di ecelence inte nestre Regjon".