Cui 30 di Zenâr prenotazion dal riclam de vacine antiCovid 5-11 agns
lunis 30 di Zenâr dal 2023
Cui 30 di Zenâr dal 2023, des 12.00 indenant, si podarà prenotâ il riclam vacinâl cuintri dal Covid-19 cu la vacine Comirnaty Original/Omicron BA.4-5 - dose pediatriche di 5/5 micrograms – pai fruts tra i 5 e i 11 agns (finîts).
Il riclam al è racomandât soredut pai fruts che a àn cundizions di fragjilitât che ju metin tal pericul di disvilupâ formis plui seriis di infezion di Sars-Cov-2, ma si pues fâlu, daûr domande dai gjenitôrs o dai tutôrs, a ducj i fruts che a son dentri in cheste fasse di etât. Si podarà prenotâ la vacine midiant dal call-center, des farmaciis e dal Cup; la soministrazion e je conseade dopo che a son passâts 120 dîs dal cicli primari o de ultime infezion (date dal test diagnostic positîf).
Font Regjon F-VJ