Referendum popolâr confermatîf de leç costituzionâl su "Normis in materie di ordenament jurisdizionâl e di istituzion de Cort dissiplinâr" di domenie ai 22 e lunis ai 23 di Març dal 2026.

Emission dal ciertificât medic par:

• sogjets cuntun impediment fisic a esercitâ il dirit di vôt cul jutori di un altri eletôr
• esercizi di vôt intune struture cence barieris architetonichis par sogjets che no puedin cjaminâ
• esercizi dal vôt a domicili par sogjets che a dipendin in maniere continuative di aparâts eletromedicâi e/o che no puedin jessi traspuartâts par vie di infermitâts une vore gravis, in maniere che al risulte impussibil fâju slontanâ de cjase dulà che a son a stâ

Pe emission des certificazions nomenadis parsore si pues rivolzisi ai Uficis Sanitaris des sedis distretuâls di Tisane, Palme, Çarvignan, Tarcint, Cividât, Udin, San Denêl, Codroip, Tumieç, Tarvis, Paluce, Dimpeç, Davâr, Glemone, tal orari solit des prestazions ambulatoriâls pal public o su prenotazion midiant dal CUP aziendâl.

Par agjevolâ chei che par motîfs grâfs no vessin rivât a otignî il document nomenât parsore in anticip rispiet ae zornade des elezions, i interessâts in câs a podaran contatâ:

• tes zornadis dal lunis al vinars des 8:30 aes 12:30 chescj numars:
  
  
• Dipartiment di Prevenzion sede di Udin 0432 806050
• Dipartiment di Prevenzion sede di Palme 0432 921838
• Dipartiment di Prevenzion sede di Glemone 0432 989516

par fissâ un apontament ambulatoriâl cul Miedi te sede distretuâl di riferiment.

In câs di necessitât, sabide ai 21 di Març e domenie ai 22 di Març dal 2026, des 8:00 aes 13:00 al è pussibil domandâ dal miedi di turni pe reperibilitât necroscopiche par fissâ un apontament doprant chescj recapits:

• pe Aree di Udin: Centralin di Udin 0432 5521
• pe Aree ex Basse Furlane 0432 921111
• pe Aree ex Friûl de Alte-Culinâr-Friûl di Mieç: centralin di Tumieç 0433 4881

Si precise che la visite in câs si davuelzarà te cjase dal pazient, metintsi di acuardi cul miedi, dome tal câs che a sedin presintis lis cundizions par fâ domande par votâ a domicili.