La Fondazione ProgettoAutismo e visite la Base HEMS di Pasian di Prât

L'elisocors regjonâl dal F-VJ, te suaze dai programs di formazion pes scuelis, al à vût il plasê di ospitâ pai 25 di Otubar, te Base HEMS di Pasian di Prât, un grup di zovins de Fondazione Progetto Autismo. Chest incuintri al è stât inmaneât par fâ cognossi il sisteme di urgjence/emergjence dant ai partecipants une oportunitât uniche par imparâ e par interagjî cui professioniscj dal setôr.

La visite e je stade vuidade de Responsabile dal Servizi, la dotore Spasiano Alessandra, e dal Coordenadôr Infermieristic, il dotôr Sappada Alessio; i zovins a àn podût cognossi cemût che si fâs un servizi di Elisocors, capint che al è fondamentâl tacâ lis operazions di socors prin che si pues. I components de scuadre a àn condividût lis lôr esperiencis, descrivint situazions reâls, e lis competencis che ur coventin par frontâ sfidis diferentis ogni dì.

L'incuintri al à permetût di sensibilizâ su la impuartance dal servizi di emergjence, ma al è stât ancje une ocasion par tacâ un dialic significatîf tra zovins e professioniscj de salût. Cun piçulis dimostrazions pratichis e sclariments detaiâts, i partecipants a àn podût capî ben la impuartance de colaborazion e de preparazion tal câs di situazions une vore dificilis.

La presince dai zovins de Fondazione ProgettoAutismo e je stade une vore preseade e e à dât une dimension umane plui profonde al event.

L'Elisocors regjonâl si impegne a promovi iniziativis che a favorissin il capî e il cognossi lis ativitâts che si fasin; in cheste maniere a sostegnin la inclusion sociâl e l'acès a informazion su la salût.

O ringraciìn Progetto Autismo par cheste ocasion di cressite, massime lis dotoris Elena Conte e Elena Bulfone par vê partecipât a cheste iniziative; o sperìn che events come chest a puedin rinfuarcî il leam tra il servizi di emergjence e la comunitât.