Ai 20 di Avrîl Prime zornade de prevenzion: FADOI e ANìMO a promovin il stîl di vite san
miercus 17 di Avrîl dal 2024
A Udin, place San Jacum, des 10 aes 17
Sabide ai 20 di Avrîl des 10 aes 17 si celebre la prime Zornade de Prevenzion FADOI e ANìMO in 21 placis talianis, cu la colaborazion de Crôs Rosse Taliane, e cul patrocini dal Ministeri pe Salût e dal Istitût Superiôr di Sanitât. Te nestre Regjon si fasarà in place San Jacum.
La zornade e je inmaneade di FADOI, la societât sientifiche di Medisine Interne, che in F-VJ e je direzude dal dotôr Stefano De Carli, Diretôr de Medisine di San Denêl.
L'event proponût al è sempliç: si vûl sensibilizâ la comunitât su la impuartance di vivi in maniere sane, informant su chescj argoments:
- Alimentazion: si promôf une diete ecuilibrade e la impuartance di mangjâ verduris, pomis e cereâi integrâi
- Ativitât fisiche: si sclarìs cetant impuartant che al è fâ esercizi regolâr par fâ stâ ben dut il cuarp
- La impuartance dai controi: si invide la int a fâ lis visitis periodichis conseadis dai miedis par prevignî par timp lis malatiis
- Ipertension arteriose
- Problemis di colesterôl
- Iperglicemie
Di fat, i miedis internis di FADOI e i infermîrs des medisinis internis ANìMO a son convints che la prevenzion e tache cu la informazion e cu la promozion di un vivi san, e al è par chest che si rindin disponibii a rispuindi aes domandis dai citadins.
Si zonte chi sot la locandine e il comunicât stampe FADOI.