Dai 28 di Novembar ai 2 di Dicembar dal 2022: setemane di prevenzion cuintri dal HIV
miercus 23 di Novembar dal 2022
Il 1n di Dicembar dal 2022 e je la Zornade Mondiâl dal AIDS. Chest an il teme al è Equalize: al è un invît par ducj a ricognossi e a scombati lis disparitâts che a intardin il progrès de lote cuintri dal AIDS; cun di plui, par che l'acès ai servizis essenziâi relatîfs al virus HIV al sedi disponibil par ducj, in particolâr pai zovins e par altris grups clâf de popolazion.
Te ocasion de Zornade Mondiâl dal AIDS, la Struture di Igjiene e di Sanitât Publiche dal Dipartiment di Prevenzion de Aziende Sanitarie Universitarie Friûl di Mieç e torne a proponi la setemane di prevenzion cuintri dal HIV: par dute une setemane si podarà acedi in libertât, o ben cence apontament, ai ambulatoris di vie Chiusaforte, 2 a Udin, par domandâ informazions e conseis a personâl sanitari cualificât o par fâ la prove dal HIV a gratis e in forme anonime.
Il servizi al è a disposizion di ducj.
Fâs la prove! L' HIV nol à etât
Di lunis ai 28 di Novembar fin a vinars ai 2 di Dicembar, tal Dipartiment di Prevenzion di Udin (vie Chiusaforte, 2) des 8.30 aes 17.30 al è pussibil fâ une prove pal HIV, te ocasion de setemane di prevenzion dal HIV.
Âstu vût un rapuart cence protezion?
Tu ti sês protet, ma si è rot il preservatîf?
Vuelistu tacâ une relazion cu la sigurece di jessi ducj i doi sans?
L'acès al è libar (o ben cence apontament): la prove e je anonime e gratuite.
Par informazions si à di telefonâ al numar 0432 553268.