Distrets de Basse Furlane: al è atîf l'ambulatori pediatric pes fameis dai fruts che a son cence il pediatri di libare sielte
miercus 20 di Març dal 2024
Dai 22 di Març te Pediatrie dal Ospedâl di Tisane
La Direzion dai Distrets de Basse Furlane (Tisane e Palme) e informe che dai 22 di Març, te Pediatrie dal Ospedâl di Tisane, tal tierç plan, al sarà atîf l'ambulatori pediatric par chês fameis che no àn ancjemò un Pediatri di Libare Sielte pai lôr fruts dopo che il dotôr Alessandro Lenhardt nol è plui in servizi.
Si precise che no si paie il ticket dome pai fruts fin a sîs agns.
L'ambulatori al garantìs lis visitis cun apontament o che a son di programâ; pes visitis urgjentis si pues jentrâ midiant dal Pront Socors.
L'ambulatori pediatric dedicât al è viert ogni joibe dopomisdì des 14.00 aes 19.00.
Par vie che la fieste dai 25 di Avrîl di chest an e cole di joibe, in vie ecezionâl l'ambulatori al sarà viert vinars ai 26 di Avrîl.
Pai vê un apontament si pues telefonâ al numar 0432 921414 di lunis a vinars des 9.00 aes 12.00 (fûr che tai dîs festîfs).