Distret sociosanitari dal Friûl di Mieç: comunicazion pai pazients dal miedi di medisine gjenerâl dot. Sartori
La Direzion dal Distret sociosanitari dal Friûl di Mieç e informe che il dot. Biagio Sartori al finirà la ativitât di miedi convenzionât cu la ASU FC, tal ambit teritoriâl che al cjape dentri i Comuns di Basilian, Bertiûl, Cjamin dal Tiliment, Cjasteons di Strade, Codroip, Listize, Merêt di Tombe, Mortean, Sedean, Talmassons, Vildivar.
Cul 1n di Mai al sarà atîf un ambulatori distretuâl di curis primariis te sede di Gnespolêt di Listize, vie G. Saccomano, n. 10, dedicât a ducj i pazients che si cjatin cence miedi di medisine gjenerâl.
La ativitât dal ambulatori e sarà puartade indenant dal dot. Daniele Snidero, cun chest orari e dome par apontament:
- lunis des 8.30 aes 13.00
- martars des 14.00 aes 18.00
- miercus des 8.30 aes 13.00
- joibe des 8.30 aes 13.00
- vinars des 8.30 aes 13.00
Par prenotâ un apontament si pues contatâ la segretarie al numar 3357991197, dal lunis al vinars des 9.00 aes 12.30.
I pazients a podaran contatâ in maniere direte il dot. Snidero al numar 3333705918 dal lunis al vinars des 12.00 aes 14.00.
Si podaran domandâ recipis e/o impegnativis scrivint ae direzion di pueste eletroniche snideroricette@gmail.com.
Si racomande di indicâ cun precision te email i dâts anagrafics complets dal pazient (non/cognon, date/lûc di nassite, residence, codiç fiscâl, eventuâls esenzions, numar di telefon, e ancje il non dal medisinâl o dal principi atîf e il dosament, cun di plui si presee une fotografie de Tessare sanitarie - Cjarte Regjonâl dai servizis e de confezion dal medisinâl.
Si ricuarde che nol è pussibil assegnâ il dot. Daniele Snidero, duncje si invidin i pazients a no presentâsi ai Sportei de Anagrafe Sanitarie par domandâ la iscrizion cun chest professionist, par no fâju spietâ di bant.
La Anagrafe Sanitarie e reste a disposizion par cualsisedi informazion al numar di telefon 04321910165 dal lunis al vinars, des 9.00 aes 12.30.