Acompagnâ i fruts al cambiament tal passaç de Scuele de Infanzie ae Scuele Primarie
vinars 11 di Lui dal 2025
Incuintris pai gjenitôrs di fruts che a frecuentin il tierç an de Scuele de Infanzie
Il Servizi Sociâl dai Comuns dal ambit dal Glemonàs, Cjanâl dal Fier-Valcjanâl insiemi cu la Cooperative Sociâl Aracon (che e aderìs ae Associazion Temporanie di Imprese «Cooperative Itaca - Universiis - CODESS FVG - Aracon»), al promôf doi incuintris in colaborazion cu lis Scuelis de Infanzie publichis e paritariis dal teritori sul teme dal passaç di un cicli scolastic a chel altri: un cambiament delicât che al puarte cun se sfidis e oportunitâts, ma che al pues ancje causionâ inciertece e disorientament.
Si trate di un moment di cressite che al va frontât cun cussience, cence lassâ che dubis e pôris a deventin une font di ansie e preocupazion.
L'incuintri al vûl ufrî ai gjenitôrs un spazi di confront e condivision su lis sperancis e lis emozions che si puedin provâ in chest moment che al interesse dut il sisteme familiâr.
I incuintris a saran joibe ai 10 di Lui a Glemone te sale riunions dal Servizi sociâl dai Comuns e martars ai 22 di Lui a Mueç, tal Centri Polifunzionâl. Ducj i doi i apontaments, condusûts de psicolighe psicoterapeute Amanda Dreossi, operadore de Cooperative Aracon, si tignaran des 17.00 aes 18.30.
Par partecipâ al incuintri e zovâsi dal spazi di animazion pai fruts bisugne notâsi mandant un messaç al numar 342 5149093 dentri di lunis ai 7 di Lui dal 2025.
Par informazions si pues contatâ il numar 342 5149093 (Cooperative Aracon).
Materiâi in zonte: