"Peraulis par dî": percors di libris ilustrâts par fruts

Sabide ai 28 di Fevrâr a Palme, tal Ospedâl di Palme (Aule Formazion) si tegnarà l'incuintri di presentazion di "Peraulis par dî" ("Parole per dire"), un percors di libris ilustrâts cun laboratoris su lis emozions e la creativitât par fruts dai 6 ai 10 agns che a vivin la esperience de malatie oncologjiche di une persone di famee.

Tal incuintri di presentazion, indreçât ai adults, la dot.e Valentina Farris, psicolighe de Direzion Mediche di Tisane-Palme, e fevelarà di cemût e di ce che si pues dî ai fruts che a vivin e a viodin une persone di famee che e sta frontant un percors di cure oncologjiche, cemût podê dî o fevelâ ai fruts de muart, se al è just dîlu o no: si fasarà riferiment a cemût che spes lei storiis smiradis a chest al jude l'adult a comunicâ ciertis tematichis. 

In chest câs un jutori fondamentâl al ven dai libris ilustrâts, lets di insegnants de scuele primarie e bibliotecariis, e ae fin di ogni leture al sarà proponût un laboratori emotîf-creatîf par elaborâ emozions e pinsîrs dai fruts.

I incuintris a son indreçâts ai fruts de fasse di etât tra i 6 e i 10 agns e la durade dai incuintris e je di une ore e mieze. 

In zonte il calendari dai incuintris, che si tegnaran te sale de Pediatrie di Palme.

Par informazions si pues contatâ la dot.e Valentina Farris:

• 0432 921462
• valentina.farris@asufc.sanita.fvg.it 

"Peraulis par dî" ("Parole per dire") al è inmaneât in colaborazion cu la Pediatrie dal Presidi Ospedalîr di Tisane-Palme e il Grup di leture "Passione libri".