Paluce: al vierç l’ambulatori di valade
joibe 27 di Avrîl dal 2023
A tacâ cui 2 di Mai
Il Distret di Tumieç al comuniche che, par vie de mancjance di miedis di medisine gjenerâl, al à ativât in vie sperimentâl l’ambulatori di valade cun sede a Paluce, place “20-21 luglio”, di martars ai 2 di Mai dal 2023, cul obietîf di garantî a ducj i citadins lis stessis prestazions dal miedi di base.
L’ambulatori di valade, che si pues contatâ a chest numar di telefon 0433 4881 (centralin Ospedâl di Tumieç, domandâ dal ambulatori di valade) al varà chescj oraris:
- martars ai 2 di Mai 10.00-12.00
- miercus ai 3 di Mai 14.00-16.00
- joibe ai 4 di Mai 10.00-12.00
- vinars ai 5 di Mai 14.00-16.00
I oraris des setemanis dopo a podaressin vê cualchi modifiche che e vignarà subit comunicade ae popolazion.