Atîfs i Ponts di Prin Intervent di Cividât e di Glemone
joibe 27 di Avrîl dal 2023
I Ponts di Prin Intervent (PPI) a Cividât e a Glemone a son atîfs dal mês di Fevrâr stât: a son struturis distretuâls, colegadis in maniere funzionâl cun chês altris struturis aziendâls dal Pront Socors, dulà che a son a disposizion risorsis professionâls e strumentâls preparadis par gjestî lis dibisugnis assistenziâls e terapeutichis minôrs e par tratâ in prime batude lis emergjencis sanitariis, fin al trasferiment – tal câs – dal pazient tal Pront Socors dal Presidi Ospedalîr di riferiment, spoke o hub, daûr de patologjie e de intensitât de cure che e covente, daûr dai percors in vore te ASUFC.
I Ponts di Prin Intervent si cjatin dentri dal Distret di Cividât e dal presidi ospedalîr pe salût di Glemone e a àn l’obietîf di furnî une rispueste imediade aes esigjencis sanitariis de popolazion dal teritori.
O ricuardìn ancje che e je ative la App regjonâl "Pronto Soccorso online" dulà che i citadins a puedin consultâ in timp reâl i dâts de afluence tes variis struturis regjonâls dedicadis ae emergjence e decidi in cuale sede lâ, ancje su la fonde des ativitâts (pazients in tratament, pazients in spiete, timp medi di spiete) in chel moment precîs.