Open week Onda: i events des struturis ASUFC te setemane dedicade ae salût de femine (dai 18 ai 24 di Avrîl)
miercus 10 di Avrîl dal 2024
![](/export/sites/asufc/it/immagini/news/Onda2024.png_810050344.png)
In ocasion de 9e Zornade nazionâl de salût de femine (ai 22 di Avrîl) la Fondazion Onda e dediche la setemane dai 18 ai 24 di Avrîl aes feminis par informâ e par promovi la prevenzion e la cure des feminis.
Ae Open Week Onda e partecipe ancje ASUFC cu lis struturis di Ostetricie e Gjinecologjie dal Dipartiment Mari-Frut: za di agns incà, ducj i Ospedâi a son stâts premiâts cul Bolin Rose o sedi che al segnale lis struturis impegnadis intune cure particolâr dai percors clinics e assistenziâi des feminis.
La professore Lorenza Driul, diretore dal Dipartiment Mari-Frut de ASU FC: “Ancje chest an o partecipìn une vore vulintîr ae Open Week cuntune schirie di iniziativis su dut il teritori; o sperìn che a partecipin in tancj, sedi tai incuintris di formazion vierts ae popolazion, che tes visitis e consulencis gratuitis. I ospedâi de ASUFC a àn ducj il Bolin Rose e a cirin di vê simpri plui atenzions pe cure de femine”.
Lis iniziativis a son dutis gratis, dividudis sul teritori par zonis. Tal detai a son:
AREE FRIÛL DI MIEÇ (Udin-Cividât)
Si fasaran dôs conferencis in presince intituladis “Menopausa e problematiche cardiovascolari”, cul patrocini dal Comun di Cividât e dal Comun di Tavagnà.
Informâ ben lis feminis al significhe permetiur di fâ prevenzion e di cjapâsi cure di se: tai incuintris si podarà fevelâ cui gjinecolics esperts di chescj argoments.
- Joibe ai 18 di Avrîl aes 17.00, tal Distret di Cividât, vie Carraria 29, te sale conferencis dal tierç plan
- Lunis ai 22 di Avrîl aes 18.00, te ex sale consiliâr dal Comun di Tavagnà in place Indipendenza, 1
Cun di plui, tal Distret di Cividât al sarà a disposizion un ambulatori par 12 visitis gratis, joibe ai 18 di Avrîl des 8.00 aes 14.00
Lis visitis si puedin prenotâ gratis al numar 0432 1796341 o al 0432 1796303 des 10:30 aes 12:30 di lunis a vinars.
AREE DE BASSE (Palme-Tisane)
Tisane
ai 18 di Avrîl
- visitis gjinecologjichis des 14.30 aes 18.30
- ambulatori dedicât al diabete des 9.00 aes 13.00
ai 19 di Avrîl
- visitis/consulencis preconcezionâls des 14:30 aes 18:30
- conference in presince: “Alimentazione in gravidanza” des 15:00 aes 17:00 (Ospedâl di Tisane, plan tiere, aule colôr turchin)
ai 22 di Avrîl
- visite gjinecologjiche/ostetriche: valutazion dal paviment pelvic des 9.00 aes 13.30
- conference in presince: “Patologia cervico vaginale – screening e vaccinazioni” des 14.00 aes 15.30 (Ospedâl di Tisane, plan tiere, aule color turchin)
- conference in presince: “La mia vita in menopausa: come viverla serenamente” des 15:00 aes 17:00 (Ospedâl di Tisane, plan tiere, aule colôr turchin)
ai 23 di Avrîl
- visitis ambulatori adolessence des 15:00 aes 19:00
- ambulatori neurologjic: ecodoppler TSA des 9.00 aes 13.00
Par cjapâ apontaments te sede di Tisane si à di clamâ il numar 0431 529948 di lunis a vinars des 10:00 aes 15:00.
Pal ambulatori dedicât al diabete e chel neurologjic la prenotazion e je obligatorie: si à di clamâ il numar
0431 529341 des 13 aes 14.00.
Palme
ai 18 di Avrîl
- conference in presince: “Alimentazione in gravidanza” des 16:00 aes 18.00 (Ospedâl di Palme, prin plan, zone E, sale riunions)
ai 19 di Avrîl
- visitis ambulatori adolessence des 15.00 aes 19.00
- visitis/consulencis preconcezionâls des 14.30 aes 18.30
- conference in presince: “La mia vita in menopausa: come viverla serenamente” des 15.00 aes 17.00 (Ospedâl di Palme, prin plan, zone E, sale riunions)
ai 22 di Avrîl
- visitis gjinecologjichis des 14.30 aes 18.30
ai 23 di Avrîl
- conference in presince: “Il pavimento pelvico dall’adolescenza alla menopausa” des 13.00 aes 15.00 (Ospedâl di Palme, prin plan, zone E, sale riunions)
ai 24 di Avrîl
- visite gjinecologjiche – ostetriche: valutazion dal paviment pelvic des 9.00 aes 13.30
Par cjapâ apontaments te sede di Palme si à di clamâ il numar 0432 921401 di lunis a vinars des 10:00 aes 15:00.
AREE FRIÛL DE ALTE
San Denêl
A saran a disposizion visitis, controi, consulencis gjinecologjichis gratis tai dîs ai 18, 19, 22, 23 e 24 di Avrîl des 15:00 aes 18:00.
Par cjapâ apontament si à di prenotâsi te segretarie dai ambulatoris telefonant al numar 0432 949325 o pûr 0432 949329.